Barreiros, 22 de xullo de 2025. O Concello de Barreiros convoca á hostalería local para mañá mércores 23 de xullo, ás 10:30 horas, a unha reunión que se celebrará no Salón de Plenos, co fin de dar traslado do texto definitivo da ordenanza reguladora de terrazas, que se aprobará en pleno a vindeira semana.
A alcaldesa, Ana Ermida, explica que se trata “dunha reunión á que nos tiñamos comprometido co sector, unha vez estudadas as alegacións presentadas e feita a proposta de modificación oportuna para mellorar o texto. ”O que se pretende con este texto é “amparar xuridicamente unha actividade que se vén realizando, cun incremento nos últimos anos, por locais hostaleiros que non teñen como actividade principal a prestación de espectáculos ou actuacións en vivo, co que a licencia da que dispoñen non ampara estas actividades.”
Ademais, trátase de regular unha actividade de ocio coas interferencias que pode ter no normal desenvolvemento da vida das persoas, garantindo as condicións nas que se celebran e o dereito ao descanso e ao ocio. “É importante sinalar que se trata de actividades excepcionais e, como tales, deben ter regulación específica para que poidan desenvolverse nunhas condicións axeitadas.”
Neste sentido, a rexedora manifesta que se tratou de clarificar todo o relativo á música ambiental, cuxa existencia non se cuestiona e nunca estivo na intención de restrinxila ao elaborar a normativa; polo que, tras detectar as dúbidas que se manifestaron co texto provisional, tratou de mellorarse a redacción do mesmo.
O texto definitivo da ordenanza será aprobado no vindeiro pleno que se celebrará o 28 de xullo.”
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
O venres ás 20:30h pregón da Romaxe Viquinga a cargo do historiador e guía turístico oficial Suso Martínez, a continuación desfile polas rúas do Vicedo e cantos de taberna polos establecementos do Vicedo. Finalmente o sábado a 8ª Romaxe Viquinga na praia de San Román, coas actividades centrais habituais (desembarco, desfile, mercado, torneo a cabalo e enterramento) e con moita música tanto celta como tradicional galega con Pelepau, Perkusiona e o espectáculo Queiman Folki para rematar o evento.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
