Ribadeo, 20 de xullo, 2025. Ao longo dos días 16, 17 e 18 de xullo desenvolvéronse en Ribadeo as XXIII Xornadas de Historia Local: A muller fronte á historia. Con grande afluencia de público, cada día abordouse un aspecto específico da historia, oculta durante moito tempo, das mulleres. Aquelas que ousaran desenvolver actividades que se consideraban propias de homes, acabaron pagando caro o seu valor normalmente sendo ocultadas, cando non perseguidas e condenadas por bruxas ou declarándoas tolas.
Na primeira sesión, Mari Carmen Rodríguez Cancelo e Montserrat Iglesias, disertaron sobre o papel da muller nos eidos cultural e científico. A directora da Coral Polifónica de Ribadeo destacou o ocultado e descoñecido, pero moi real, papel da muller na música ao longo dos séculos e tamén na vida cultural ribadense; e Montserrat Iglesias centrou a súa atención na historia vivida por Manuela Barreiro Pico a comezos do século XX na súa especial loita por ser ela mesma nun mundo até o momento rexentado por homes á vella usanza.
Na segunda sesión, Chema Leal Bóveda lembrou a persecución sistemática exercida sobre as mulleres polo poder real e pola Inquisición. Aquelas que ousaban rebelarse fronte ao papel subalterno que se lles asignaba corrían o risco de seren perseguidas e axiña acusadas de bruxería ou o que for con tal de se desfacer delas. Exemplo paradigmático desta situación de opresión é o caso do antollo de Isabel I de Castela cunha escrava do conde de Ribadeo. Non parou até mercala e facerse con ela.
Xa na terceira sesión, Alba Díaz Geada expuxo o seu relatorio “A muller no agro galego: afouteza e perseveranza”. A súa intervención dividiuse en dous apartados: un breve apuntamento conceptual, e unha posterior exposición do papel desenvolvido pola muller no rural galego nos anos do franquismo e a transición. Para nós foi moi grato atopármonos coa nosa propia historia como agrupación cultural, pois o núcleo fundacional estaba estreitamente ligado ao funcionamento dun equipo humano que tiña moi boa parte do seu epicentro na actividade desenvolvida en torno á Axencia de Extensión Agraria. Atopármonos con nomes como o de Antonio Oca, Mari Carmen Carballeda, Eduardo Gutiérrez ou Ramón Muñiz, entre outros, supuxo unha grande satisfacción.
Como conclusión final, queda moito que dar a coñecer do papel que desenvolveu e segue a desenvolver a muller ao longo da historia. Prestarase atención a esta temática en novas actividades. A A. C. Francisco Lanza agradece ao público asistente o interese mostrado polas xornadas e convocálo para o ano 2026.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
