Rematouse a instalación do novo deshumidificador, paso necesario para o aproveitamento correcto da infraestrutura
Viveiro, 9 de xullo de 2025. O vaso pequeno da Piscina Municipal de Viveiro xa está en funcionamento, unha vez rematada a instalación do novo deshumidificador. Esta intervención contou cun investimento de 37.259,52 euros financiado a través do Plan Deputación de Lugo. Os traballos tamén incluíron a retirada do falso teito para proceder á súa reparación e reposición por parte do Concello, co obxectivo de garantir a seguridade e funcionalidade das instalacións e de ofrecer aos usuarios un servizo do que estaban privados desde hai máis dun ano.
Os traballos sufriron atrasos debido aos efectos que a Dana de Valencia causou na empresa adxudicataria, o que obrigou a reestruturar os prazos de execución. «Foi unha actuación necesaria para garantir o bo funcionamento das instalacións e mellorar o servizo que se ofrece á veciñanza», sinalou a alcaldesa Mariña Gueimunde.
A superficie do vaso ten 72 metros cadrados e o seu uso viuse interrompido desde comezos de 2024. A alcaldesa Mariña Gueimunde visitou hoxe a piscina acompañada por Vicente Vázquez, concelleiro de Obras, Parques e Xardíns; María Loureiro, voceira do PSdeG local; e Manuel Galdo, concelleiro de Por Viveiro.
Os traballos enmárcanse nun plan máis amplo que inclúe melloras en accesibilidade, seguridade e equipamento de ximnasio. A alcaldesa agradeceu «o apoio da Deputación Provincial» e afirmou que agardan «con expectación que se asinen novos convenios dos que se beneficie a veciñanza de Viveiro».
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
