Con máis de 141.000 noites rexistradas e case 76.000 visitantes (+4,5%), a zona é un destino de referencia no conxunto da oferta turística da comunidade
Ribadeo, 16 de agosto de 2025. “A Mariña lucense consolídase como destino de referencia dentro da oferta turística de Galicia”. Así o puxo de manifesto o director de Turismo de Galicia, Xosé Merelles, que hoxe visitou Ribado con motivo das Festas de San Roque. Segundo salientou, “a comarca rexistrou un incremento do 9,4% no número de pernoctacións realizadas durante o primeiro semestre do ano, ata as 141.607 noites, e recibiu 75.869 visitantes entre xaneiro e xuño, un 4,5% máis que no mesmo período de 2024”.
Por mercados, os turistas procedentes do ámbito nacional que visitaron a Mariña Lucense nestes primeiros seis meses supuxeron o 85% do total, mentres que o restante 15% foron de procedencia internacional.
Os bos datos turísticos do xeodestino alíñanse coas cifras do total da comunidade. Durante o primeiro semestre, Galicia sumou un 4,5% máis de visitantes, ata os 2,9M. Ademais, ao incrementar un 3,8% as noites rexistradas, acadou as cifras récord de 4,9M de pernoctas. Crece especialmente o mercado internacional, cun 5,5% máis, ata os 1,17 millóns de turistas -case o 40% do total de visitantes-. O impacto económico ascendeu aos 165M€, un 4,3% máis, coa rendibilidade sumando un 8,7%.
As cifras supoñen ademais un avance na estratexia de desestacionalización da Xunta, con incrementos dun 6,7% de visitantes en xuño un 4,3% en xaneiro e un 3,1% en febreiro.
Xosé Merelles participou hoxe na misa solemne na capela de San Roque en Ribadeo. A celebración é un dos puntos centrais das festas de San Roque, patrón da localidade con Santa María de Campo. Merelles recoñeceu a relevancia das festas locais para a oferta turística na comunidade, valorándoas “como un reclamo único” e destacando “a importancia da implicación local para o desenvolvemento do evento”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
