Burela, 25 de agosto, 2025. O Torneo Burela Turismo de Galicia disputarase este xoves día 28 ás 20.00h en Vista Alegre. As nosas Pícaras disputarán o seu segundo partido de pretempada, ante o 5 Coruña FS, patrocinado pola Axencia de Turismo da Xunta de Galicia. Encontro que será a presentación oficial do equipo diante da súa afección antes do comezo da nova tempada, que se inicia o 6 de setembro tamén no pavillón burelés.
Presentación Trofeo Burela Turismo de Galicia
A presentación do Trofeo tivo lugar esta fin de semana, coa estimada presencia de do delegado territorial Javier Arias, nun acto que se celebrou na entrada ao porto de Burela, unha localización emblemática e histórica para unha vila cuxa vida xira en torno ao mar. Por parte do CD Burela FS asistiron ao acto o presidente do club, José Luis Sáez; a adestradora do equipo feminino, Belén Feal; e as xogadoras Cristina Blanco e Laura Barranco.
O presidente da entidade agradeceu expresamente á Administración autonómica toda a axuda durante a pasada tempada a través da Axencia de Turismo de Galicia, contribuíndo á supervivencia do club, e que este ano seguen reforzando co patrocinio en exclusiva deste partido, sumado á colaboración mediante o convenio de patrocinio asinado o pasado mes de abril, dentro da aposta da Xunta por vincular o deporte de alto nivel coa proxección da imaxe turística da comunidade.
O delegado territorial puxo en valor o compromiso do Goberno galego cos clubs deportivos da nosa provincia, entre eles os que nos representan nas máximas categorías nacionais, como o Breogán, o CD Lugo, o Ensino, o Arenal Emevé, o Lugo Sala ou tamén o Castro FSF e o propio Burela FS, “co que estamos a facer un esforzo especial polo momento complicado que atravesa”.
Destacou ademais a traxectoria do Burela FS, “un club que fixo historia, levando o fútbol feminino ao máis alto nivel, coronándose con numerosos títulos nacionais e internacionais, e que proxecta o nome de Burela e da Mariña dentro e fóra das nosas fronteiras”. É por todo iso que a entidade burelesa representa -segundo sinala Arias- “non só un exemplo de excelencia deportiva senón tamén un destacado motor de dinamización social e económica para toda a comarca”, incidindo na xestión actual da entidade.
O representante autonómico gabou finalmente o labor do club a prol da igualdade de xénero, “apostando de xeito decidido polo deporte feminino”, e da promoción do deporte de base na comarca.
Por parte do club é unha honra formar parte dos proxectos que forman parte da Axencia de Turismo de Galicia, promocionando un sector moi presente na nosa comarca e axudando a impulsar e poñer en valor tanto o deporte coma a cultura da nosa vila e arredores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
