Estivo organizada polo Kayak de Foz co apoio da Vicepresidencia da Deputación de Lugo. Máis de 150 palistas participaron na competicion que reuniu unha vintena de clubs de toda Galiza.
ÚLTIMA HORA
- O Grupo Socialista pregunta á Xunta se retomará a Vía de Alta Capacidade de Viveiro
- A Deputación pide unha acción planificada da Xunta para evitar danos irreversibles no patrimonio
- Cetmar avalía os efectos da protección e ordenación mariña na pesca artesanal e costeira no Cantábrico
- O BNG reclama a convocatoria urxente da Comisión de Seguimento dos GES para abordar a reapertura do servizo de Cervo
- 'O proceso' de Malasombra Teatro, este sábado 28 de febreiro, no Pastor Díaz de Viveiro
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado. - A asociación gastronómica Os Cacholeiros do Valadouro celebrou o pasado sábado, 21 de febreiro, o seu XXIII Xantar do Cocido en Ferreira
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca. - O Concello de Viveiro organizará o sábado 7 de marzo unha comida con motivo da celebración do Día Internacional da Muller
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M. - Representantes socialistas da provincia de Lugo asistiron á Feira Expogrelo de Abadín, que celebrou a súa vixésima edición como referente gastronómico da comarca
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense. - O concello de El Franco recibe a Bandera Sendero Azul 2026 pola Senda Costeira Castello–Porcía, un dos percorridos máis destacados do occidente asturiano
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera. - As conselleiras de Medio Rural e de Medio Ambiente visitaron a feira Expogrelo de Abadín, onde destacaron o grelo como un produto clave da gastronomía galega
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores. - O sábado 28 de febreiro, ás 14:30 horas, celebrarase no Centro sociocomunitario de Ribadeo (detrás do Concello) o Día de Rosalía cun xantar de confraternización: o tradicional Caldo de Gloria, organizdo pola A.C. Francisco Lanza
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
2021 Crónica 3 A Mariña - Implementado por GaliciaDigital