O BNG corrixe a información na resposta dada pola Conselleira de Política Social e Igualdade con respecto á Unidade de Atención Temperá
Burela, 25 de agosto 2025. O pasado 23 de xuño o grupo parlamentar do BNG da man do deputado mariñán Daniel Castro rexistraba unha pregunta para resposta escrita e unha Proposición non de lei para o seu debate na comisión 5ª sobre a Unidade de Atención Temperá de Burela, na que se instaba á Xunta de Galiza a asumir a xestión directa da Unidade de Atención Temperá de Burela antes de que remate o ano 2025 e en diálogo cos concellos afectados.
“Mentiras e inexactitudes. A Xunta non quere asumir as súas competencias na materia”
A pasada semana foi recibida resposta por escrito á pregunta realizada e nesta a Consellería de Política Social e Igualdade mestura un cúmulo de mentiras e inexactidudes cun afán desmedido por desviar a atención para non asumir as súas competencias.
Segundo a concelleira de Servizos Sociais e Igualdade do Concello de Burela, a nacionalista Sandra Fernández, “hai moitas cousas que matizar sobre a resposta. Para comzar pola xestión posto que A unidade é de titularidade municipal desde o ano 2006. Antes estaba xestionada pola Mancomunidade da Mariña, formada polos 16 concellos da comarca, e non unicamente por Burela, Alfoz e Lourenzá como sinalan. Ademáis, non é certo que se financien ao 100%. A Xunta só cobre os custes de persoal, mentres que o Concello de Burela debe asumir tamén o espazo, a limpeza, o mantemento e as ferramentas de traballo que precisa o equipo”.
Seguiu Fernández sinalando que “o mais grave da contestación é sobre o tema da praza de logopeda: é falso que os servizos sociais aceptasen a externalización. O que fixemos, como saíu recollido en varias ocasións nos xornais da comarca nestes últimos meses, foi pedir axuda á Xunta para que se fixese cargo da contratación do persoal, nunca para externalizalo. De feito, o Concello de Burela está xa tramitando a contratación provisional dunha logopeda por 9 meses, ata que se faga efectiva a nova RPT, porque defendemos servizos públicos de calidade fronte ás fórmulas privatizadoras ás que a Xunta recorre habitualmente”
Os nacionalistas demandan da Xunta que asuma a xestión directa da UAT de Burela
O deputado mariñán, Dani Castro, destacou que “o descoñecemento da Xunta sobre a realidade da unidade queda patente cando suxiren aumentar profesionais sen ter en conta que no espazo actual é imposible crear máis despachos. Por iso, o Concello solicitou hai meses que se cedese a antiga Casa do Mar para ampliar servizos sociais e mellorar a atención”.
Por iso Castro indica que “entendemos que é a Xunta quen debería facerse cargo directamente dun servizo que é da súa competencia, e non un concello que xa conta cun número de profesionais sociosanitarios superior ao dun centro de saúde. Como xa vimos demandando dende fai meses, a Xunta de Galicia debe coordinarse co Goberno do Esstado para arranxar a infraestructura e crear un gran centro de servizos sociais que sexa referencia na comarca e no que se integre a UAT xunto con outro servizos coma UAD, servizos sociais comunitarios ou o CIM”
Tamén tivo lugar a segunda xornada do Mercado de Rúa, no que se dan cita máis de vinte comercios locais, que ofrecen descontos especiais sacando os seus stocks ás rúas ribadenses. Esta cita volverá os días 30 e 31 de agosto. Este luns, arranca a grande semana multiaventura de Acisa con rocódromo, inchables, festa da escuma e un deslizador de máis de 100 metros de longo. Toda a información está na web 
O certame, o máis antigo de Galicia e tamén o mellor dotado economicamente, está recoñecido como unha das grandes citas da creación literaria no país. A gañadora desta edición recibirá un premio de
O evento foi organizado polo Club Atletismo Ribadeo, que contou coa colaboración do Concello, da Xunta, da Deputación e de Acisa.
Ás 19.57 horas deste mércores deuse por extinguido o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes día 5 e que finalmente afectou unha superficie de 142,5 hectáreas, das cales 50 corresponden a arborado e 92,5 a raso. Para a súa extinción mobilizáronse, de xeito acumulado, 6 técnicos, 82 axentes, 107 brigadas, 111 motobombas, 3 pas, 8 helicópteros e 8 avións.
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle"
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
