Lugo, 1 de agosto de 2025. O Deputado de Recursos Sostibles, Francisco Cajoto Caserío, participou este venres na inauguración da vixésimo terceira edición da Feira dos Produtos do Mar e da Terra, Artesanais e Ecolóxicos Produart. Esta cita, organizada pola Fundación Expomar e que conta cunha achega económica da Deputación de Lugo de 15.000 euros, reúne ata o domingo, 3 de agosto, a máis de 50 stands con produtos artesanais e ecolóxicos.
Cajoto Caserío destacou que a institución provincial apoia esta cita “porque combina tradición e innovación, aposta por un turismo consciente, de calidade, conectado co territorio e contribúe a construír unha economía máis xusta, máis diversa e máis sostible”. Nesta liña, recordou que “Produart é exemplo do que se pode conseguir cando traballamos da man: administracións, entidades como a Fundación Expomar, o Concello de Burela, e por suposto, todas as persoas que co seu traballo fan posible este evento”.
Marta Villaverde sitúa a Produart como escaparate dos valores da sostibilidade dos recursos pesqueiros, da tradición artesanal e o patrimonio cultural
A conselleira do Mar, Marta Villaverde, participou este venres na inauguración da XXIII Feira de Produtos Artesanais e Ecolóxicos de Burela (Produart), que organiza a Fundación Expomar xunto coa 39 Feira do Bonito, declarada Festa de Interese Turístico Galego e Nacional. A responsable autonómica destacou a importancia da súa celebración, pois esta nova edición que, novamente conta coa colaboración do Goberno galego, consolídaa como escaparate dos valores da sostibilidade dos recursos pesqueiros, da tradición artesanal e do patrimonio cultural vinculado ao mar.
Deste xeito, máis de 50 expositores promocionan ata o domingo os produtos locais, artesanais, tradicionais e innovadores, convertendo a esta localidade mariñeira no escenario idóneo para difundir e achegar o mundo do mar ao conxunto á poboación, entendéndoo como fonte xeradora de alimentos saudables e como actividade que impulsa a economía das zonas costeiras.
E é que este ano Produart aposta polo estímulo e potenciación dunha produción máis ética, menos agresiva co medio e por un consumo máis sostible e de respecto ao medioambiente, converténdose nunha extraordinaria plataforma de exposición comercial para produtores, comerciantes e consumidores.
Campaña do Bonito do Norte
Burela é a capital galega do Bonito do Norte, pois o porto desta localidade é un dos máis destacados do mundo tanto por tradición como por volume de capturas. Os peiraos lucenses recibiron 1.375 toneladas desta especie o ano pasado. O valor en lonxa aproximouse aos 6,7 millóns de euros, un 20,1% máis que no exercicio anterior. No que vai de 2025, nas rulas de A Mariña poxáronse 605 toneladas cun valor económico de preto de 2,54 millóns, o que supón un 4,94% máis que no mesmo período de 2024.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
