Ribadeo, 26 de setembro, 2025. “A mala xestión de Daniel Vega desprotexe as parroquias ribadenses”, afirma o BNG. Os nacionalistas explican que: “Comeza o outono e de novo temos que facer fronte a unha situación de risco de lume nos nosos montes. Nestes momentos, toda a comarca da Mariña está en situación potencial de risco de incendios. Cada outono o vendaval vai secando as terras e fai aumentar a probabilidade de lume incontrolado. A experiencia está aí”.
“Está facendo o concello o seu traballo na prevención do lume nos montes ribadenses? Temos que dicir que non. A 25 de setembro no concello aínda non comezaron os traballos do contrato de tratamentos preventivos mecanizados. Ditos traballos teñen que estar rematados, pagados e xustificados a 15 de outubro. E aínda non están iniciados a día de hoxe. E iso que o convenio para os desenvolver estaba asinado xa desde o mes de abril. Por se non fose pouco, dispuxo de tempo extra a raíz das prórrogas concedidas pola Xunta para levar a cabo este labor. E nin con esas puido cumprir coa súa obriga”.
“Como xa dixemos, estamos en situación de alto risco de incendios en toda a Mariña, como todos os anos no outono e co predominio do vento do sur. Pero dá a impresión de que ao goberno municipal do señor Vega pouco lle importa. De feito, desde o ano 2022 apenas se viu actuación algunha na faixa segunda de tratamentos preventivos arredor das casas e núcleos. Por moito que o alcalde presuma de xestión, velaquí temos outro exemplo de falta de actuación por parte do goberno municipal. A neglixencia de todo o equipo de goberno, co seu alcalde á cabeza, pon en perigo a seguridade das casas e da veciñanza. A forza váiselle toda pola boca para anunciar festa. Pero non é quen de aplicar medidas preventivas contra o lume nos nosos montes”.
“Ribadeo foi un referente modélico nas políticas de prevención do lume e na protección de vivendas e núcleos de poboación. Pero con este alcalde e con este goberno municipal do PP imos cara a atrás. E Ribadeo merece máis; moito máis”, conclúen.
Marilyn Manson súmase ao cartel xunto a Limp Bizkit —único concerto en España— e outras bandas moi esperadas polo público do festival como Trivium, Converxe ou Caliban. Os novos abonos poñeranse á venda o martes 30, e publicarase proximamente toda a información relativa á compra de entradas.
Ás 10.00 horas deste luns quedou extinguido o incendio forestal rexistrado no concello de Barreiros, parroquia de San Xusto de Cabarcos, o domingo 14 ás 16.14 horas. Finalmente, afectou unha superficie de 152,69 hectáreas de monte arborado. Para a súa extinción mobilizáronse, de xeito acumulado, 10 técnicos, 87 axentes, 121 brigadas, 94 motobombas, 4 pas, 2 unidades técnicas de apoio, 7 helicópteros e 3 avións.
Resultados acadados: Alevín Femenino 3°clasificado. Alevín Masculino 3°clasificado. Cadete Femenino 4°clasificado. Os adestradores destacan o traballo e as ganas que demostraron todxs xs rapacxs, xa que para a gran maioría foi esta a súa primeira regata, tanto de remeiro/a como de patron/a. Dende a nova directiva queren facer unha aposta firme para dar un salto de calidade nas categorías base, polo que animan a todos os nenxs que se acerquen ata o club e proben este deporte de mar e equipo.
Na vila foron recibidos polo alcalde, Dani Vega, e pola concelleira de Turismo, Marta Saiz, no Forte de San Damián, enclave que puideron coñecer de preto coa visita guiada por Alberto Paraje, secretario da asociación cultural de estudos históricos de Galicia. Os asistentes percorreron esta fin de semana diferentes enclaves da Mariña en Ribadeo, Foz ou Lourenzá e saborearon a gastronomía da zona. O Concello de Ribadeo colaborou coa organización deste evento, así como diferentes firmas tanto da vila como doutros puntos da comarca e de Galicia.
Andrea Azkune Arteche e Adriá Puig Martínez lograron os primeiros postos nas probas de obstáculos senior masculina e feminina, que se disputaron pola mañá. O deputado de Mocidade e concelleiro de Participación e Dinamización Veciñal achegouse ao circuíto instalado en San Bartolo, que reuniu combinados autonómicos de 10 comunidades. A actividade deportiva continúa esta tarde coa celebración das probas de laser run e mañá coa Valkiria Race na que se agardan arredor de 400 deportistas.
A Deputada de Muller e Igualdade, Marisol Morandeira, participou nesta cita que acolleu esta fin de semana a Casa Habanera desta parroquia vilalbesa, onde destacou o traballo da Liga Santaballesa para manter viva a pegada de quen marchou a América buscando unha vida mellor
Reuníronse expositores de amarinha.gal e asistentes, expoñéndo os conceptos básicos da algoritmia, o seu uso en función do control dos intercambios dixitais e os servicios á sociedade, e da contralgoritmia en función de manter unha independencia da sociedade e o individuo cara ó futuro, e relacionándoo con temas como a contracultura ou a redución do mundo de cada persoa a unha cerrada aldea dixital. Tamén foron presentados algúns instrumentos-programas para evitar a recomendación algorítmica das empresas que controlan as redes sociais. En pouco máis dun mes terá lugar o próximo evento do ciclo ‘Soberanía Dixital’, “Solarpunk: Taller de futuros optimistas”.
