Ribadeo, 16 de setembro de 2025. Comezou a actividade formativa de Acisa Ribadeo co curso de escaparatismo impartido na tarde de onte na Aula da Casa da Cultura (rúa Viejo Pancho). Este curso desenvólvese en tres sesións. As seguintes serán os días 29 de setembro e 13 de outubro entre as 18:00 e as 20:30 horas. As asistentes escoitaron con moita atención todas as explicacións e recomendacións realizadas por Tamara Casabella, de Academia A Mariña, para facer os escaparates máis atractivos, tanto os físicos como a presenza das tendas nas redes sociais. Na sesión de onte tamén houbo un tempo dedicado á creatividade.
Os días 22 de setembro e 6 de outubro terá lugar o curso de empaquetado co mesmo horario, de 18:00 a 20:30 horas. Ambas formacións, moi demandadas entre os negocios asociados, son gratuítas.
E ata o 19 de setembro está aberta a inscrición na Escola Oficial de Idiomas de Ribadeo para asistir ao curso de inglés específico para persoal de comercio e hostalaría, que se desenvolverá de setembro a maio. As sesións terán lugar os venres de 9:30 a 10:30 horas. Contará con prácticas orais, apoio en aula virtual e a participación dun auxiliar de conversa nativo. O custe é de 45 € máis 35 € de apertura de expediente para as persoas que nunca estiveran matriculadas na EOI. Máis información na páxina web da EOI de Ribadeo, no correo eoi.ribadeo@edu.xunta.gal ou no seguinte número de teléfono 982 129 657.
Desde a directiva de Acisa animan “a aproveitar esta oportunidade co obxectivo de mellorar a calidade dos servizos que se prestan desde as empresas locais. Poder comunicarse en inglés é moi importante, xa que o turismo internacional segue medrando en Ribadeo e en toda a contorna”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
