A rexedora cariñesa, Ana María López, destaca que “este pacto é moi interesante polas posibilidades de futuro que poden chegar ao municipio”
Cariño, 19 de setembro, 2025. O Concello de Cariño valora positivamente o impulso ao Pacto polo Litoral, presentado onte, xoves 18 de setembro, polo presidente da Xunta, Alfonso Rueda, como un acordo histórico de gobernanza compartida entre a Administración autonómica e os concellos costeiros.
Para Cariño, esta iniciativa resulta especialmente relevante polo seu posible impacto no mantemento das pasarelas do litoral e pola apertura de novas oportunidades de negocio na zona costeira, sempre baixo criterios de sustentabilidade e respecto ao medio ambiente.
A alcaldesa, Ana María López, destacou que “es interesante por las posibilidades que pueden llegar a Cariño en el futuro, que pueden suponer un impulso muy importante en nuestro municipio”. Neste sentido, lembrou que están á espera de coñecer que edificios entrarán no Catálogo de Bens de Valor Cultural do Litoral, para posteriormente avaliar os posibles novos usos que se lles poida dar desde o Concello.
Entre as medidas avanzadas pola Xunta no encontro de onte, destaca tamén a modificación lexislativa que permitirá ampliar a tempada dos establecementos de praia, que poderán permanecer abertos desde Semana Santa ata o 31 de outubro. Unha medida que, en palabras da rexedora, “abre nuevas perspectivas de actividad económica ligada al litoral”.
Ademais, os concellos contarán co apoio da Xunta con medidas que lles permitan revisar e adaptar os plans urbanísticos; aprobar ordenanzas de protección dos espazos verdes; impulsar oficinas municipais do litoral; desenvolver proxectos de turismo sostible; promover programas locais de educación ambiental; e implicar a confrarías, mariscadoras e tecido local na planificación da costa. No ámbito dos avances xa conseguidos, creouse a Comisión Interdepartamental da Coordinación do Litoral, a orde de axudas de 5 millóns de euros para o embelecemento turístico da costa ou a convocatoria de ideas para deseñar un prototipo de chiringuito móbil biosostenible.
Con este Pacto polo Litoral, a Xunta busca reforzar a colaboración cos concellos costeiros en materias como a ordenación urbanística, a protección ambiental, o turismo sostible e a innovación económica. Neste marco, constituirase o Foro do Litoral, previsto para as próximas semanas, que actuará como máximo órgano de participación e onde se propoñerá a creación dunha mesa de desenvolvemento local específica cos concellos.
Esta mexicana afincada en Noruega foi a afortunada. Pasaba uns días na vila ribadense, na que aproveitou para facer diversas compras e así foi como se fixo coas rifas para participar no sorteo do Ribadeo Indiano. Ela é de Veracruz, pero non coñecía a Riviera Maya, algo que está a facer agora na compaña do seu dono e da súa filla. Tamén está a aproveitar esta estadía para visitar á súa familia de México, á que levaba moito tempo sen ver. Marisol Morales asegura estar disfrutando moito da cultura, da gastronomía e da paisaxe do país.
Pilar Falcón, xornalista de radio e televisión, académica e doutora en Ciencias da Información, ofreceranos unha formación especializada para que os profesionais aproveiten o poder da súa voz como un recurso crave na comunicación, na divulgación científica e no liderado profesional. Realizarase online ou presencial, o 22 de setembro, de 18:00 a 19:00 horas. Máis información e matrícula gratuíta: 
Sábado e domingo están citadas 25 xogadoras das diferentes Comunidades Autónomas que loitarán polo título estatal nun ambiente cheo de emoción e compañeirismo.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
