O Goberno local insiste na necesidade de diálogo coa institución provincial para garantir unha tradición que tamén é motor turístico, económico e cultural do Nadal viveirense
Viveiro, 25 de setembro de 2025. O Concello de Viveiro amosa a súa preocupación pola incerteza xerada arredor da instalación do Belén xigante, unha tradición que se desenvolveu durante moitos anos en colaboración coa Deputación de Lugo e que se converteu nun referente turístico, económico e cultural das festas de Nadal.
A falta de tres meses para o Nadal, descoñécese se a Deputación vai colaborar nesta edición, o que pon en risco a continuidade da iniciativa. «Falamos dun evento que, ademais das connotacións relixiosas que poida ter, supón un motor económico e un atractivo fundamental para o comercio local e para o conxunto da vila», subliñan desde o Goberno municipal.
O Concello lembra que vén solicitando de maneira reiterada unha reunión coa Deputación para falar deste e doutros asuntos de interese para Viveiro, sen que, ata o momento, se obtivera resposta. «É preciso saber canto antes se este Nadal poderemos contar co Belén xigante, porque hai unha empresa implicada na súa xestión que ten que planificar o seu traballo, e, tamén, porque a veciñanza espera seguir gozando dun símbolo que forma parte da identidade de Viveiro», engaden.
O Goberno municipal destaca, ademais, a súa disposición ao diálogo e á colaboración: «Estamos abertos a buscar solucións ou mesmo a que a Deputación articule directamente a cooperación coa asociación de Amigos do Casco Vello, que é a que cada ano se implica na instalación do Belén, ou mesmo coa Asociación de Comerciantes, se así o estima oportuno».
«O noso único obxectivo, igual ca o da asociación de Amigos do Casco Vello e da Asociación de Comerciantes, é que Viveiro poida seguir contando cun Belén xigante que durante décadas foi un sinal de identidade e un referente turístico e cultural das nosas festas», conclúen.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
