Os socialistas denuncian que Xove quedou sen servizo médico en agosto e que a praza vacante no centro de saúde segue sen cubrir
Xove, 12 de setembro de 2025. O Grupo Municipal Socialista de Xove formulará no pleno ordinario do vindeiro luns unha batería de preguntas ao goberno local sobre dous asuntos que considera de máxima prioridade para a veciñanza: a falta de médicos no Centro de Saúde e o deterioro do sistema de abastecemento da auga.
O Centro de Saúde, sen cobertura
Segundo denuncian desde a agrupación socialista, o municipio sufriu este verán unha situación sanitaria “absolutamente insostible”, xa que o Centro de Saúde estivo practicamente todo o mes de agosto sen médico, debido ás vacacións da facultativa titular e á praza que segue vacante tras unha recente xubilación.
“Falamos dun concello enteiro que quedou sen asistencia médica, xogando coa saúde da veciñanza”, advirten, lembrando que esta carencia derivou en episodios de especial gravidade, como a falta de atención a un infarto en urxencias ou o tráxico falecemento dun veciño de Súmoas.
Os socialistas critican que non se perciben avances na xestión do goberno municipal. “A pesar das reunións do alcalde co Sergas, a realidade é que seguimos igual: con parches e cunha médica residente que non pode garantir a cobertura necesaria. O Concello non pode permanecer impasible mentres se xoga coa saúde da veciñanza”, engaden.
Por este motivo, o PSdeG preguntará no Pleno que iniciativas pensa impulsar o goberno municipal para esixir á Xunta a cobertura inmediata das tres prazas de medicina de familia que lle corresponden ao Centro de Saúde de Xove.
Abandono do sistema de abastecemento de auga
No relativo ao abastecemento da auga, o PSdeG de Xove pon o foco no lamentable estado da rede, tras dúas décadas de desleixo por parte do goberno do PP. Lembran que existe un informe técnico “demoledor” que diagnostica o problema e describe unhas instalacións “envellecidas, con fugas constantes e sistemas de filtrado e contabilización obsoletos”.
Esta situación provoca problemas recorrentes: no inverno a auga chega aos fogares “como barro” e no verán impóñense restricións de consumo. Ademais, este ano agravouse coa aparición de serias deficiencias no depósito do Cruceiro-Xuances, que obrigaron ás familias a soportar unha auga impracticable.
Os socialistas preguntarán ao executivo municipal cales foron as causas que provocaron esta problemática e cando prevé acometer o proxecto de mellora, valorado en arredor de 1,5 millóns de euros.
Compromiso socialista coas demandas da veciñanza
“Desde o PSdeG-PSOE de Xove imos seguir facendo unha oposición útil e responsable, poñendo enriba da mesa os problemas reais da veciñanza e reclamando solucións inmediatas a un goberno do PP que leva anos mirando para outro lado”, conclúen.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
