Ribadeo, 23 de setembro de 2025. Segue en Ribadeo a actividade formativa de Acisa co curso de empaquetado, que deu comezo onte na Aula da Casa da Cultura (rúa Viejo Pancho). As asistentes escoitaron con moita atención todas as explicacións e recomendacións realizadas por Tamara Casabella, de Academia A Mariña, para facer os paquetes máis bonitos e máis atractivos. E tiveron tempo para poñer en práctica os coñecementos recibidos. A segunda sesión do curso de empaquetado terá lugar o 6 de outubro de 18:00 a 20:30 horas.
O vindeiro luns, día 29, será a segunda clase do curso de escaparatismo e o 13 de outubro a terceira.
Polo curso de empaquetado pasaron onte a responsable do departamento de Formación de Academia A Mariña, Raquel Hermida, e a presidenta de Acisa, Carmen Cruzado.
Ambas formacións, empaquetado e escaparatismo, moi demandadas entre os negocios asociados, son gratuítas. Os cursos están organizados por Acisa, son financiados pola Xunta de Galicia e contan coa colaboración do Concello de Ribadeo.
Marilyn Manson súmase ao cartel xunto a Limp Bizkit —único concerto en España— e outras bandas moi esperadas polo público do festival como Trivium, Converxe ou Caliban. Os novos abonos poñeranse á venda o martes 30, e publicarase proximamente toda a información relativa á compra de entradas.
Ás 10.00 horas deste luns quedou extinguido o incendio forestal rexistrado no concello de Barreiros, parroquia de San Xusto de Cabarcos, o domingo 14 ás 16.14 horas. Finalmente, afectou unha superficie de 152,69 hectáreas de monte arborado. Para a súa extinción mobilizáronse, de xeito acumulado, 10 técnicos, 87 axentes, 121 brigadas, 94 motobombas, 4 pas, 2 unidades técnicas de apoio, 7 helicópteros e 3 avións.
Resultados acadados: Alevín Femenino 3°clasificado. Alevín Masculino 3°clasificado. Cadete Femenino 4°clasificado. Os adestradores destacan o traballo e as ganas que demostraron todxs xs rapacxs, xa que para a gran maioría foi esta a súa primeira regata, tanto de remeiro/a como de patron/a. Dende a nova directiva queren facer unha aposta firme para dar un salto de calidade nas categorías base, polo que animan a todos os nenxs que se acerquen ata o club e proben este deporte de mar e equipo.
Na vila foron recibidos polo alcalde, Dani Vega, e pola concelleira de Turismo, Marta Saiz, no Forte de San Damián, enclave que puideron coñecer de preto coa visita guiada por Alberto Paraje, secretario da asociación cultural de estudos históricos de Galicia. Os asistentes percorreron esta fin de semana diferentes enclaves da Mariña en Ribadeo, Foz ou Lourenzá e saborearon a gastronomía da zona. O Concello de Ribadeo colaborou coa organización deste evento, así como diferentes firmas tanto da vila como doutros puntos da comarca e de Galicia.
Andrea Azkune Arteche e Adriá Puig Martínez lograron os primeiros postos nas probas de obstáculos senior masculina e feminina, que se disputaron pola mañá. O deputado de Mocidade e concelleiro de Participación e Dinamización Veciñal achegouse ao circuíto instalado en San Bartolo, que reuniu combinados autonómicos de 10 comunidades. A actividade deportiva continúa esta tarde coa celebración das probas de laser run e mañá coa Valkiria Race na que se agardan arredor de 400 deportistas.
A Deputada de Muller e Igualdade, Marisol Morandeira, participou nesta cita que acolleu esta fin de semana a Casa Habanera desta parroquia vilalbesa, onde destacou o traballo da Liga Santaballesa para manter viva a pegada de quen marchou a América buscando unha vida mellor
Reuníronse expositores de amarinha.gal e asistentes, expoñéndo os conceptos básicos da algoritmia, o seu uso en función do control dos intercambios dixitais e os servicios á sociedade, e da contralgoritmia en función de manter unha independencia da sociedade e o individuo cara ó futuro, e relacionándoo con temas como a contracultura ou a redución do mundo de cada persoa a unha cerrada aldea dixital. Tamén foron presentados algúns instrumentos-programas para evitar a recomendación algorítmica das empresas que controlan as redes sociais. En pouco máis dun mes terá lugar o próximo evento do ciclo ‘Soberanía Dixital’, “Solarpunk: Taller de futuros optimistas”.
