A conselleira do Mar puxo en valor que estas, e outras accións que están en proceso de deseño ou elaboración, son froito das aportacións das entidades sectoriais no marco do modelo de cogobernanza da xestión pesqueira na comunidade
Santiago de Compostela, 17 de setembro do 2025. A conselleira do Mar, Marta Villaverde, presidiu hoxe unha xornada de traballo con representantes das federacións galegas e provinciais de confrarías de pescadores para analizar e facer seguimento das medidas impulsadas polo Goberno galego no ámbito pesqueiro. Así, a responsable autonómica, acompañada pola secretaria xeral Técnica, Marta Barreiro, polo director xeral de Pesca, Acuicultura e Innovación Tecnolóxica, Cándido Rial, e a directora xeral de Desenvolvemento Pesqueiro, Ángeles V. Vázquez, fixo un repaso das actuacións en curso e o grao de tramitación das iniciativas comprometidas.
Marta Villaverde abordou cos máximos representantes da pesca galega a modificación do decreto polo que se regulan as artes, aparellos, útiles, equipamentos, e técnicas permitidas para a extracción profesional dos recursos mariños vivos en augas da comunidade. A finalidade deste cambio normativo é actualizar e optimizar a regulación dos horarios de marisqueo e, así, garantir o control e sustentabilidade dos recursos e unha xestión e explotación máis eficiente dos mesmos.
Na actualidade, a normativa establece que o horario de traballo do marisqueo a pé comprende desde dúas horas e media antes ata dúas horas e media despois da baixamar diúrna, tendo como tope as 18.00 horas. Coa nova redacción, queda comprendido entre as 6.00 ata as 18.00 horas cunha duración máxima ininterrompida de 5 horas. Dito horario deberá concretarse posteriormente nas solicitudes para o desenvolvemento da actividade que efectúen as entidades titulares dos correspondentes plans de xestión.
Por outra banda, foi analizado o borrador da orde de comercialización de excedentes marisqueiros. A titular de Mar recordou que o departamento autonómico leva tempo traballando nesta normativa, que xa que foi recollida na Lei de medidas fiscais e administrativas que acompañou ás contas autonómicas, e que agora encara o seu desenvolvemento regulamentario. O obxectivo é a súa ordenación e aplicación baixo criterios uniformes á vez que aportar transparencia na forma en que cada unha das entidades realiza a xestión de excedentes.
Mariñeiro pescador
O encontro serviu unha ampla variedade de asuntos de interese para o sector pesqueiro na comunidade. Entre elas tamén destaca a nova orde que regula o procedemento para a obtención das titulacións de mariñeiro pescador, patrón local de pesca e patrón costeiro polivalente. Nesta ocasión, preténdese reducir a carga lectiva dos cursos de mariñeiro pescador, imprescindibles para o desempeño profesional, das 50 horas actuais ata as 23 horas que establece a normativa estatal. Unha proposta que ten como finalidade fortalecer a competitividade do sector.
Marta Villaverde enmarcou esta xornada no modelo de cogobernanza da xestión pesqueira en Galicia. Nesta liña, recordou que todas estas medidas son froito do diálogo fluído co sector, e que serven para dar unha resposta eficaz ás demandas trasladadas polas entidades sectoriais. Tamén deu conta do punto no que se atopan o deseño e elaboración doutras iniciativas nas que o departamento autonómico continúa traballando e serán abordadas novamente en vindeiros encontros. A responsable autonómica subliñou que este traballo no ámbito normativo amosa o compromiso da Xunta no reforzo da competitividade e sostibilidade da actividade pesqueira.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
