Burela, 11 de outubro de 2025. A Asociación Esperanza de loita contra o cancro tén como un dos seus obxectivos a sensibilización da sociedade na prevención do cancro. O venres día 17 do presente mes de outubro Esperanza, neste caso coa colaboración do voluntariado de Alcoa San Cibrao, volve a organizar unha xornada escolar ao respecto, chegando así á cuarta edición.
O seu destinatario será o alumnado de sexto de Primaria dos dous ceips do concello de Burela, Os Castro e Vista Alegre, e terá lugar na Praza de Abastos. Seguindo o esquema da edición anterior, a xornada, que comezará ás nove e cuarto da mañán e rematará á unha e cuarto da tarde, haberá ponencias informativas e de prevención seguidas de coloquio con preguntas, e un concurso de debuxo. Non faltará a degustación dun almorzo saudable e unha entrega de regalos ao alumnado participante.
As ponencias serán impartidas polos médicos residentes de Medicina Familiar e Comunitaria do Hospital da Mariña Carlos Padilla Varón Javier Castillo Núñez, Juan J. Eiroa Bermúdez, Néstor Condarco Elías e Sharon Montoya Ramón, xunto co Diplomado Universitario en Enfermería de Atención Primaria Juan Lorenzo Otero.
Dende a Asociación Esperanza queren agradecer ao persoal médico-sanitario indicado a súa colaboración, xa que son eles os que aportan os criterios científicos e as pautas de comportamento para a sensibilización e prevención do cancro. E unha vez máis tamén temos que agradecer a colaboración decisiva do voluntariado de ALCOA para poder realizar este tipo de actividades Por último, non podemos esquecernos da colaboración prestada un ano máis polos dous ceips, Vista Alegre e Os Castros, polo Concello de Burela e o Hospital Público da Mariña para a realización desta xornada.
Esperanza considera moi importante e relevante esta actividade, xa que se trata de informar a un sector da poboación, a infantil, sobre unha enfermidade que moitos a contemplan de lonxe, mais uns poucos están a vivila de cerca, e que ao longo da vida a case todos eles lles tocará, ainda que sexa de xeito colateral. Con esta actividade, Esperanza dá un moi pequeniño paso cara o seu obxectivo final: traballar para erradicar, cando menos minimizar, os efectos do cancro nas persoas, nas familias e na sociedade.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
