O líder dos socialistas galegos sinala que as contas da Xunta para 2026 “non teñen alma social nin visión de país” e condenan a Lugo á marxinación e á desigualdade estrutural
Lugo, 25 de outubro de 2025. O secretario xeral do PSdeG, José Ramón Gómez Besteiro, acusou hoxe a Rueda de “castigar” de novo a Lugo nos Orzamentos de 2026 porque “non gobernan” na provincia e a utilizan “como moeda de cambio”. Así o dixo nunha rolda de prensa xunto co secretario provincial, José Tomé, a secretaria de Organización do PSdeG, Lara Méndez, e a secretaria de Organización de Lugo, Pilar García Porto logo de visitar tamén a provincia de Ourense.
Besteiro cualificou de “vergoña democrática” que o PP presente uns Orzamentos nos que “replican” as mesmas partidas económicas que xa incluían o ano pasado e que “nunca executan”. Criticou que Rueda “anuncia moito e cumpre pouco” mentres lle da “as costas” á provincia cunha proposta de orzamentos pero que lles serven para sacar titulares mentres nada cambia na vida da xente”.
O líder dos socialistas galegos citou as “débedas históricas” coa provincia que permanecen ano tras ano sen executar, como son a VAC Costa Norte, a Ronda Leste, o Plan Paradai ou o Museo da Romanización, pendente dende hai catro anos.
Os orzamentos para o próximo ano seguen sen darlle resposta aos problemas da provincia, como a vivenda, o transporte interurbano, a sanidade ou a Dependencia, a pesares de que sexa unha das provincias con máis xente maior de Galicia. Dixo que os 27 millóns de euros para sanidade, educación e Dependencia son “maquillaxe orzamentaria”, e os 2 millóns para as vivendas Rexurbe constitúen un “insulto á intelixencia”.
Anunciou que o Grupo Socialista presentará unha serie de emendas no trámite parlamentario “para que a provincia dispoña do financiamento que necesita para atender ás necesidades da xente, e que teñan en conta a súa “desigualdade estrutural” con respecto ao resto das provincias. Puntualizou que “non pode ser que repitan o dos dous últimos anos, nos que Lugo recibiu 0 euros do Fondo Interterritorial para cohesión cando Galicia recibe as maiores transferencias da historia dende o Estado.
Orzamentos sen alma social
Besteiro advertiu que os Orzamentos da Xunta para o próximo ano “non teñen alma social nin visión de país”, e perpetúan a “marxinación e desigualdade estrutural” das provincias do interior, onde criticou que as contas carecen dunha proposta económica seria, senón que se limitan a un “exercicio de propaganda de manual”, que deixan a Galicia, e sinaladamente ao interior, “sen horizonte”.
Criticou que as contas para o próximo ano esquecen á vivenda, a sanidade, a Dependencia ou o reto demográfico, fundamentais para os galegos e as galegas, e desmentiu que se trate dunhas contas expansivas, xa que medran por debaixo do custe da vida, e destinan máis recursos ao pago da débeda -1.858 millóns de euros- que á Atención Primaria, a Dependencia ou a vivenda.
O responsable socialista criticou que ao mesmo tempo o goberno galego “permítese o luxo de rexeitar a condonación da débeda”, que permitiría liberar o próximo ano 620 millóns de euros para mellorar os servizos públicos.
Ademais, advertiu que segue a incluír partidas para vivenda que seguen sen executar cando Lugo conta con preto de 3.000 familias demandantes de vivenda pública. Afeoulle ao presidente da Xunta que a día de hoxe só teñan executado o 5 por cento dos fondos para vivenda previstos para este ano, e para 2025 ofrecen “pisos – zulo” de 26 metros cadrados como gran proxecto de vivenda, que cualificou de “un insulto”.
Rueda sabe que non vai cumprir con Lugo
O secretario provincial, José Tomé, criticou que a Xunta “sabe que non vai cumprir” as partidas coas que enche os orzamentos porque é “materialmente imposible executar obras sen licenza ou sen declaración ambiental”. Acusou ao presidente da Xunta de “acordarse de Lugo só cando presenta as contas, pero esquecela cando toca cumprir”.
Citou as grandes obras pendentes na provincia, como a ronda Leste, o acceso ao Porto Seco de Monforte, o desdobramento do corredor Nadela – Monforte, a VAC Costa Norte, así com as variantes e melloras de seguridade viaria en toda a provincia. Sinalou tamén as infraestruturas sanitarias, presentes só nos “recortes, parálise e maquillaxe orzamentaria” para agochar o seu abandono, como sucede coa Intermodal, paralizada polo PP para anunciar agora 8 millóns de euros que corresponden á UE.
Dixo que os concellos “non poden facer máis con menos” e esixiulle á Xunta que “cando lles traspasa competencias que non lles corresponden, tamén lles debe garantir os recursos” que necesitan para non afogar. Subliñou que “o PP busca titulares e nós buscamos solucións, porque Rueda e Candia poden vivir de anuncios, pero Lugo vive de realidades que non chegan”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
