Ribadeo, 29 de outubro, 2025. O grupo municipal do BNG de Ribadeo denuncia que o goberno municipal volveu perder outra axuda da Xunta, esta vez por un valor de 25.000€, “deixando a maioría dos desbroces forestais preventivos sen realizar e acumulando dous anos sen completar estes traballos, co risco que iso conleva ante posibles incendios”.
Pablo Vizoso, voceiro do BNG de Ribadeo indicou que: “Hai unhas poucas semanas alertábamos de que o goberno municipal aínda non licitara os desbroces forestais deste ano e que a data para facelo remataba o 15 de outubro. Daquela pedímoslle ao PP que fixeran rápido e ben o procedemento para poder recibir os 25.000€ de subvención que concedía a Xunta para estes traballos. Unha vez vencido o prazo, descubrimos que non foron capaces de licitar en tempo e forma, perdendo deste xeito os cartos e o que é máis grave: deixando os desbroces forestais preventivos sen completar. Por desgraza, en Ribadeo vivimos hai pouco tempo as consecuencias que poden traer os incendios forestais e non entendemos esta temeraria deixadez de Daniel Vega e o seu equipo”.
“Levamos tempo observando e denunciando a perda constante de subvencións por parte do PP de Ribadeo debido a súa incapacidade para xestionar, son xa miles e miles de euros que se están perdendo por esta razón. Ribadeo non se pode permitir un goberno que despilfarra recursos propios, que tira ao lixo as axudas que se lle conceden e que ten ao concello unha parálise total. Desde este grupo municipal demandámoslle ao PP que deixen de buscar escusas para xustificar a súa incompetencia e se poñan a traballar dunha vez no importante”, conclúe.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
