O PP lembra que a Xunta de Galicia convoca cada ano axudas para a contratación de persoal e medios de desbroce, polo que “non hai escusas para non planificar con antelación e aproveitar os recursos dispoñibles”
Lourenzá, 17 de outubro de 2025. O Grupo Municipal do Partido Popular de Lourenzá lamenta o rexeitamento do goberno local do PSOE á moción presentada polos populares para poñer en marcha un plan anual de limpeza, acondicionamento e desbroce das zonas verdes e das marxes das vías municipais.
A proposta, defendida polos populares, buscaba establecer unha planificación estable e coordinada ao longo do ano que garantise o mantemento das vías e espazos públicos, evitando a improvisación e as queixas veciñais recorrentes pola falta de limpeza.
Durante o debate, o goberno municipal recoñeceu que non é de cumprir un calendario concreto de actuacións, alegando dificultades de planificación e limitacións de medios. Para os concelleiros populares, esta resposta “demostra que o Concello carece dunha verdadeira planificación anual e que segue traballando a salto de mata, actuando só cando os veciños se queixan ou cando a situación xa é insostible.
O PP insiste en que a intención da moción non era criticar o labor do persoal municipal, senón dotar ao Concello dunha ferramenta de planificación eficaz. “O que propuxemos é algo básico en calquera administración seria: ter un plan anual que marque prioridades, medios e prazos. Se o goberno local admite que non pode cumprir nin o que planifica mes a mes, está recoñecendo que non existe unha organización real”, afirma Roberto Díaz.
Ademais, a falta de planificación afecta tamén ás pistas forestais, “moitas das cales presentan un estado lamentable e chegan a ser intransitables”, advirte Roberto Díaz. “Se hoxe se producise un incendio en determinadas zonas do concello, os servizos de emerxencias terían serias dificultades para acceder por culpa da maleza e do abandono das pistas. Isto é un problema de seguridade pública, non só de imaxe”, engade.
Desde o PP lembran que a Xunta de Galicia convoca cada ano axudas para a contratación de persoal e medios de desbroce, polo que “non hai escusas para non planificar con antelación e aproveitar os recursos dispoñibles”.
Díaz subliña que o Grupo Popular seguirá insistindo en que Lourenzá conte cun plan anual serio e transparente. “Non se pode manter o concello limpo e seguro se non hai previsión nin vontade política. O PSOE rexeitou unha proposta de sentido común que só buscaba mellorar o servizo e a imaxe de Lourenzá”, conclúe.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
