A portavoz, Conchita Novo, advirte que “os orzamentos municipais reflicten a parálise, a falta de ambición do goberno local e o estancamento do Concello” toda vez que se conxela a previsión de recadación polo imposto de construcións, baixa a de licencias e a de apertura de novos negocios”
A Pontenova, 8 de outubro de 2025. O PP da Pontenova convida ao alcalde socialista, que acaba de presentar os orzamentos do 2025, a “poñerse a traballar nos do 2026” que deben estar vixentes a día 1 de xaneiro do próximo ano.
Así o traslada a portavoz, Conchita Novo, despois de que o goberno local socialista aprobara recentemente as contas para este ano 2025 cando só faltan tres meses para rematar o ano e “tiñan que estar aprobadas definitivamente antes do comezo do actual exercicio”.
A popular explica que “os propios informes dos técnicos municipais recollen que o alcalde levará a proposta de orzamento ao Pleno -cos informes pertinentes- antes do 15 de outubro e que deberá aprobarse de forma definitiva antes do 31 de decembro de 2024, como establece a normativa reguladora de facendas locais”. Polo tanto, advirte que “este goberno vai un ano tarde cos presupostos”.
Conchita Novo tamén condena que “o goberno prevé subir varios impostos e taxas aos veciños e veciñas” e, aínda así, “conta con reducir ingresos”. Segundo a previsión, “os veciños e veciñas pagaremos máis polo Imposto de Bens Inmobles (IBI) de urbana, que sube un 17%, e polo imposto de circulación (IVTM)”, co que o goberno municipal agarda recadar preto dun 20% máis que no pasado exercicio”. Tamén triplica a previsión de ingresos pola taxa de ocupación de vía pública polo que “semella que tamén subirá esas taxas e impostos”.
Por outra banda, lamenta que “non se prevé crecemento ningún” evidenciando a falta de ambición por parte do goberno local. É máis, “os orzamentos deixan claro que o PSOE vaticina un futuro escuro para A Pontenova”. De feito, “conxélase a previsión de recadación polo imposto sobre construcións (ICIO), a de licencias baixa nun 17% e doutros servizos urbanísticos coma a apertura de novos establecementos baixa nun 60%”.
O PP da Pontenova xa advertira o ano pasado que a conta xeral do 2023 evidenciaba “a falta de impulso ao desenvolvemento económico do municipio por parte do goberno local socialista” que deriva nun “estancamento” do concello.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
