Os populares destacan o compromiso da empresa coa “innovación constante e o medio ambiente” ao aplicar as máis novidosas tecnoloxías, tanto nas embarcacións como no seu proceso construtivo, para facelas máis sostibles e, froito deste compromiso, a empresa conta coa norma de aseguramento de calidade ISO-9001 e de garantía ambiental ISO-14001
Burela, 8 de outubro de 2025. Os deputados do Grupo Provincial Popular coñeceron de primeira man o proxecto e todo o traballo que Astilleros Armon realiza en Burela dende o ano 1992, “un traballo incrible dunha empresa punteira no seu sector e que dende a Mariña lucense fabrica embarcacións para todo o mundo”.
Os deputados populares, acompañados dos concelleiros do Grupo Municipal do PP de Burela, coñeceron todo o traballo que se realiza en Armon da man do director de Astilleros Armon Burela, Juan Ramón Pernas, que lles explicou con todo detalle o proceso construtivo das embarcacións, dende o proxecto nos planos ata a botadura á mar.
Dende o Grupo Provincial Popular destacan que na provincia de Lugo “hai empresas punteiras a nivel mundial e, nesta ocasión, tivemos a oportunidade de coñecer Armon, unha gran empresa de recoñecido prestixio en todo o mundo dentro do sector náutico”. “É fundamental coñecer iniciativas empresariais coma esta, que levan o nome de Lugo por todo o planeta, e que son fundamentais para asentar poboación”, destacou.
“Nós témolo claro e gústanos amosar aos nosos veciños exemplos coma este, para que todos teñamos claro que dende Lugo e os seus municipios tamén se poden poñer en marcha iniciativas empresarias de éxito a nivel mundial”, apuntaron.
En Astilleros Armon Burela fabrícanse embarcacións de ata 70 metros nos seus 5.600m2 nos que hai catro pavillóns cubertos. Nestas instalacións poden construírse buques pesqueiros de todo tipo, buques de apoio á industria offshore, remolcadores de porto, ferris de pasaxe, patrulleiras e buques de apoio aos mellores megayates do mundo.
Os populares puxeron en valor a “innovación constante” que teñen en Armon xa que “están a aplicar as máis novidosas tecnoloxías, tanto nas embarcacións como no seu proceso construtivo, para poder facelas máis sostibles”.
Froito deste compromiso medioambiental e de aplicar as máis novidosas tecnoloxías, a empresa conta coa norma de aseguramento de calidade ISO-9001 e de garantía ambiental ISO-14001.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
