Ribadeo, 25 de outubro de 2025. O xornalista lugués Paco Nieto presentou en Ribadeo o seu libro Bo proveito, amiguiños. Lugo, 90 anos de radio. O acto tivo lugar no Salón dos Alcaldes do Pazo de Ibáñez.
O libro é un reflexo da paixón que Paco Nieto sente pola radio, medio no que traballou en Lugo durante 47 anos, primeiro en Radio Popular-Cope e desde 1999 ata a súa xubilación en Radio Lugo-Cadena Ser. Música, programas matinais ou tertulias de actualidade foron algúns dos formatos nos que desenvolveu a súa profesión. No libro Paco Nieto recolle o nome de arredor de 400 mulleres e homes que formaron parte da radio na provincia de Lugo, de norte a sur, de leste a oeste, ao longo de 90 anos desde 1935 ata 2025.
Foi un 27 de outubro de 1935 cando a radio local se poñía en marcha en Lugo. E alí estaba Xosé Trapero Pardo, toda unha referencia para o medio. Presentou durante moitos anos Cousas da nosa terra, cara o mediodía, programa que sempre rematada coa frase Bo proveito, amiguiños, de aí a presenza no título do libro de Paco Nieto.
Os asistentes á presentación puideron escoitar as voces do propio Trapero Pardo, de Castelao, de Manuel María, a do ribadense Javier Miró, unha actuación do grupo local Los Breakers en Lugo, así como un extracto da primeira misa oficiada en galego, feito que aconteceu o día de San Isidro do ano 1968 en Ribadeo na igrexa da Virxe do Camiño. O crego foi o reverendo Luis Martínez Pérez.
Acompañaron ao autor na presentación a xornalista Carmen Cruzado e a concelleira de Cultura, Begoña Sanjurjo.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
