O Equipo da Aulas CeMIT de O Vicedo resultou gañador noutra categoría
Santiago de Compostela, 24 de outubro de 2025 (Vía Láctea Comunicación). O Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia da Xunta entregaron hoxe os premios da iniciativa Argallando.gal, enmarcada no programa “Tech Kids”, co obxecto de poñer en práctica o talento dixital da rapazada e a súa capacidade de resolución de problemas ao tempo que desenvolven competencias persoais a través dunha contorna colaborativa. O acto celebrouse no centro Gaiás Tech da Cidade da Cultura, e os premios foron entregados polo presidente do CPEIG, Fernando Suárez, e o director de Área de Sociedade Dixital da Axencia para a Modernización Tecnolóxica de Galicia, Miguel Rodríguez Quelle. Ao acto tamén asistiron os responsables e formadores do equipo de Argallando.gal, así como os estudantes premiados e os seus acompañantes.
Argallando.gal é unha iniciativa que desafía ao alumnado galego, a partir dos doce anos, a participar nun programa para argallar proxectos nos que a cultura, a tradición ou as lendas se fusionen coa tecnoloxía, a innovación e a creatividade (deseño e impresión 3D, programación, robótica educativa, drons, etc.). Con este espírito, Argallando.gal busca non só desenvolver competencias tecnolóxicas e dixitais, senón tamén fomentar o traballo en equipo, a curiosidade, a experimentación e a posta en valor da cultura galega dende unha perspectiva innovadora, subliñando especialmente o seu carácter interxeracional.
No marco do programa realizáronse 36 accións formativas, 33 nas aulas CeMIT participantes (Valga, Abegondo, Cuntis, A Bola, Barreiros, Ribeira, O Barco de Valdeorras, Betanzos, Poio, O Vicedo e Leiro) e 3 na aula do Gaiás Tech, ás que asistiron máis dun centenar de estudantes e unha vintena de participantes interxeracioneis, entre pais, avós e profesorado.
O programa conclúe hoxe coa presentación dos 50 proxectos desenvoltos, que competiron por conseguir os diferentes premios nas categorías de Xigante Argalleiro, Nubeiro Tech, E-Serea e Árbore Senlleira.
Equipos premiados:
Categoría Xigante Argalleiro (gañador global):
Alejandro Paz, da Aula CeMIT de Barreiros (Lugo). Presentou un modelo 3D de carácter técnico moi complexo e cun alto nivel de detalle: unha catedral clásica con torres, cúpulas e pórticos. Destacou polo uso das simetrías, a coherencia nas formas e a inspiración realista.
Categoría Nubeiro Tech:
Jheferson Abreu Pasín, da Aula CeMIT de Ribeira (A Coruña). Presentou o videoxogo “Camiñando a Santiago”, unha proposta que combina aventura gráfica e plataformas, con ilustracións propias, mapas e distintos niveis de xogo.
Lois Otero Rodríguez, da Aula CeMIT de Ribeira (A Coruña). Presentou un modelo 3D que replica a fachada frontal da Igrexa de Santa Uxía de Ribeira, cun deseño moi logrado e gran atención ao detalle.
Xenxo Lusquiños, da Aula CeMIT de Cuntis (Pontevedra). Presentou un traballo de modelado arquitectónico que reproduce, con alto nivel de detalle, un hórreo tradicional galego, mostrando ademais diferentes vistas e perspectivas.
Categoría E-Serea:
Maxiruráis, grupo adscrito á Aula CeMIT de Fisterra (A Coruña), pero formado por alumnado do IES Maximino Romero de Lema de Baio-Zas (A Coruña). Participaron co proxecto “Namórate do Rural”, unha iniciativa moi interesante na que lograron implicar a toda a comunidade educativa para crear un repositorio de información sobre lendas, historias e tradicións do rural galego, publicado en distintas contornas web.
Os/as Vikingos/as de Vicedo, grupo participante nas formacións da Aula CeMIT de O Vicedo (Lugo). Presentaron un proxecto moi orixinal no que combinaron medios audiovisuais e robótica educativa para narrar unha historia sobre os Drakkars en San Román, o histórico asentamento vikingo da súa zona.
Categoría Árbore Senlleira:
O Cabazo da Memoria, grupo adscrito tamén á Aula CeMIT de Fisterra (A Coruña) e formado por alumnado do IES Maximino Romero de Lema de Baio-Zas (A Coruña). Presentou CabazoTech, un proxecto sensacional que combina distintas tecnoloxías para crear unha obra íntegra destinada a visibilizar, recordar e reactivar o patrimonio visual colectivo vinculado ás tradicións, costumes e modos de vida do rural galego. Unha auténtica ponte interxeracional entre as xeracións pasadas, presentes e futuras.
Todos os participantes dos equipos premiados recibiron de agasallo un conxunto de material ocio-educativo, tecnolóxico e cultural composto por uns auriculares sen fíos de diadema HQ; un xogo de mesa educativo de temática tecnolóxica; e unha cámara fotográfica instantánea.
O equipo gañador global “Xigante Argalleiro” recibiu un conxunto de material ocio-educativo, tecnolóxico e cultural composto por uns auriculares sen fíos de diadema HQ; un xogo de mesa educativo de temática tecnolóxica; unha cámara fotográfica instantánea; e un cheque por valor de 300 euros destinado á compra de bens ou servizos culturais, tecnolóxicos ou educativos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
