O delegado territorial de Lugo, Javier Arias, explica que o obxectivo é contribuír á conservación do xacemento, situado na Punta do Castro, e preservar a seguridade dos visitantes
Foz, 14 de novembro de 2025. A Consellería de Cultura, Lingua e Xuventude iniciou unha nova intervención arqueolóxica no Castro de Fazouro, situado na Punta do Castro do municipio de Foz, na que inviste 11.400 euros.
O delegado territorial da Xunta en Lugo, Javier Arias, explica que o obxectivo é contribuír á conservación do xacemento, declarado Ben de Interese Cultural (BIC); así como preservar a seguridade dos visitantes.
O proxecto contempla a instalación dun valo realizado a base de pivotes con corda para delimitar a área visitable, así como carteis de advertencia sobre as limitacións de acceso á área do bordo do cantil (zona N) co fin de evitar posibles accidentes por caída.
Tamén se prevé a recolocación de pedras deprendidas das cabeceiras dos muros; o retacado de paramentos sen emprego de argamasa e por presión; o reforzo das pilas do valo de recondución dos visitantes á denominada zona S ou a limpeza das estruturas mediante a eliminación manual de vexetación e aplicación de biocida.
Igualmente, acometerase a limpeza e consolidación do pavimento de opus signinum e integración do revoco orixinal. Así mesmo, realizarase unha diagnose do estado de conservación das estruturas do xacemento.
Outras actuacións
O Castro de Fazouro está situado no lugar da Punta do Castro, na parroquia de Santiago de Fazouro. O poboado aproveita unha península á que se accede a través dun istmo no que poden apreciarse dous foxos escavados na roca e un parapeto de terra.
Unha parte do poboado foi escavada e musealizada nos anos 1980 e 1990. Nos últimos anos, a Xunta promoveu actuacións de conservación e mellora das estruturas do castro, así como das varandas, escadas e muros de protección. Tamén se instalaron carteis que facilitan a visita pública deste enclave arqueolóxico, de gran valor histórico.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
