Ribadeo, 27 de novembro de 2025. A Asociación de Comerciantes, Industriais, Servizos e Autónomos de Ribadeo (Acisa) presenta unha nova edición da súa campaña do Black Friday, que se celebrará os días 28, 29 e 30 de novembro, coa participación de mais de 30 establecementos da vila. A iniciativa ofrecerá descontos especiais e promocións exclusivas co obxectivo de dinamizar a actividade comercial e reforzar o tecido económico local.
A presidenta de Acisa, Carmen Cruzado, explica que “os establecementos participantes ofrecerán descontos en moda, calzado, complementos, deporte, decoración, óptica, saúde, beleza e moito máis. A ampla variedade de comercios adheridos garante unha oferta diversa e atractiva para todas as idades e necesidades. O Black Friday sempre é un éxito e agardamos que nesta edición se manteña”.
O xerente do colectivo empresarial ribadense, Jesús Pérez, destaca que “esta campaña non só pretende atraer clientela durante estas datas sinaladas, senón tamén concienciar sobre a importancia de apostar polo comercio de proximidade, un sector fundamental para o emprego, a vida urbana e a identidade de Ribadeo. Cada compra feita aquí repercute directamente no benestar da nosa comunidade, mantén vivos os negocios de sempre e axuda a que Ribadeo siga sendo un referente comercial e turístico”.
Pérez Prada conta que “durante esta edición do Black Friday os establecementos participantes ofrecerán unha ampla variedade de promocións, entre as que destacan descontos do 10%, 15%, 20% e ata o 50% en moda, calzado, complementos, artigos deportivos, decoración e produtos de tempada, ademais de ofertas 3×2 en artigos seleccionados, liquidacións especiais con prezos moi reducidos, descontos en marcas concretas, promocións válidas en días específicos e mesmo agasallos directos por compra, como láminas orixinais. Trátase dunha proposta completa e diversa que permitirá á clientela atopar grandes oportunidades ao tempo que apoia e dinamiza o comercio local de Ribadeo”.
E engade: “a campaña coincide ademais co uso da moeda local, a Pancha, unha ferramenta creada para estimular o consumo nos establecementos ribadenses. Durante estes días, as persoas usuarias poderán empregar esta moeda para beneficiarse dos descontos adicionais do Black Friday e do aforro que implican as panchas, é dicir estes tres días será dobre o aforro se mercan en Ribadeo”.
Cruzado Iglesias anima a aproveitar esta campaña: “convidamos á veciñanza e visitantes a participar activamente nesta campaña, desfrutar dos mellores prezos e apostar polo comercio que forma parte da nosa vida diaria, aproveitando a oportunidade de apoiar aos negocios locais nestas datas clave. No comercio local atopamos un trato próximo e o mellor asesoramento posible, o que nos fan as persoas que se atopan detrás do mostrador. Os pobos teñen vida grazas ao seu tecido empresarial, non nos cansamos de dicilo todos os días. Sen negocios locais os pobos morren, desaparecen e iso non podemos permitilo”.
A presidente de Acisa conta que “participan na campaña do Black Friday de Acisa Ribadeo os seguintes establecementos: QueroColo, Siñeiro, Bora Bora, Calzados La Moda, La Moda Básico, Anaís, Ginzo Hombre-Mujer, Casa Mandarina, Mimimó, Atleet, Sendín, Vitaldent, La Coqueta, Sanjurjo, Esprit, For Friends, Opticalia, Ohana, Grisi, Galán Moda Hombre, Naná, Deportes Docobo, Imag_n365, Óptica Miró, Miss-Tic, Jilgueritos, Ribeirao, Glass, Galería Terra Branca, Boutique Pippol’s, Hola Ola, Xeito Decoración e Mika. Para máis información as súas ofertas nestes días pódense consultar na web e redes sociais da nosa entidade”.
A actividade esta organizada por Acisa Ribadeo e conta coa colaboración da Dirección Xeral de Comercio da Xunta de Galicia.
25 de novembro
Presidenta e xerente engaden: “coincidindo coa xornada de hoxe, 25 de novembro, Día Internacional para a Eliminación da Violencia contra as Mulleres, desde Acisa Ribadeo queremos resaltar o noso compromiso firme e inequívoco coa loita contra a violencia machista. Como entidade representativa do comercio e do tecido empresarial da vila, sumámonos á necesidade de construír unha sociedade libre de violencias, máis xusta e igualitaria. Expresamos o noso apoio a todas as vítimas e ás súas familias e convidamos á cidadanía a manter viva a concienciación e a participación activa nesta causa fundamental para o presente e o futuro da nosa comunidade”. Carmen Cruzado e Jesús Pérez asistiron ao acto convocado polo Concello de Ribadeo na Praza de Abastos este mediodía.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
