Dende o Grupo Provincial afirman que “en lugar de crear e manter un Plan Deputación B totalmente oculto e opaco” José Tomé debería de incrementar os fondos para todos os concellos e así dar un trato igualitario aos veciños da provincia
Lugo, 21 de novembro de 2025. “A pedrea da xunta de goberno de hoxe recaeu, unha vez máis, unicamente en concellos gobernados por PSOE e BNG”. O voceiro provincial popular, Antonio Ameijide, amosouse moi crítico con que José Tomé siga a financiar unicamente a concellos afíns tras ver como hoxe aprobaron convenios por un importe superior a 400.000€ en total.
Antonio Ameijide denuncia que hoxe asistimos “a unha nova rolda de convenios para amiguetes que continúan evidenciando unha tendencia continuada ao longo dos últimos anos: unha ausencia total de transparencia e de igualdade de oportunidades para máis da metade dos veciños da provincia”.
Os acordos aprobados hoxe en xunta de goberno distribúense exclusivamente entre concellos gobernados por PSOE e BNG. En concreto, a Deputación deu luz verde aos seguintes convenios:
Vilalba: financiamento por importe de 58.680 € para a actuación de rexeneración de accesos aos núcleos de Cabanamille e Ver.
Taboada: cooperación no financiamento de varias actuacións por un total de 50.109,57 €.
A Fonsagrada: mellora do camiño de acceso aos núcleos de Goxe e O Mido, por 49.983,39 €.
Barreiros: promoción e dinamización dos mercadiños locais, por 52.259,63 €.
A Pobra do Brollón: adquisición de maquinaria para mantemento de zonas rurais, por 50.000 €.
Muras: apoio ao “Trail das bestas” por 28.820 €.
Burela: renovación da cuberta do edificio multiusos para fomentar o asociacionismo no sector primario, por 142.367,72 €.
Antonio Ameijide critica que os acordos aprobados cada venres “van caendo coma as pedreas do sorteo de Nadal, pero sempre nos mesmos municipios”, situación que “deixa sen oportunidades a unha parte importante da provincia e provoca desigualdades entre veciños en función do concello no que vivan”.
Ao longo de 2025, e ata o día de hoxe, a Deputación de Lugo leva aprobados 10.5M€ en 56 convenios, todos eles asinados con concellos gobernados polo PSOE e o BNG.
Antonio Ameijide exixe, unha vez máis, que “PSOE e BNG apliquen criterios de igualdade para o acceso aos recursos públicos, que deben de distribuírse en base ás necesidades dos municipios e non pola cor política”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
