Foz, 28 de novembro, 2025. A Aula Universitaria da UNED de Foz organiza este mes de decembro dúas propostas destinadas a promover a creatividade, a convivencia familiar, o aprendizaxe lúdico e a solidariedade nestas datas tan sinaladas
A primeira proposta será un “Obradoiro creativo de Galletas de Nadal en Inglés” e terá lugar o próximo 23 de decembro, de 11:00 – 13:00 horas nas instalacións da Aula Universitaria de Foz, dirixido por Leticia Veiga, colaboradora habitual da aula nas actividades de lingua inglesa. A actividade está dirixida a nenos e nenas en idade escolar, que poderán participar acompañados das súas familias nunha sesión onde practicarán inglés mentres comparten unha doce experiencia de inspiración navideña. O obradoiro ten un prezo simbólico de 5 euros por participante e require inscrición previa.
A coordinadora da aula , Marta Muíña, subliña que “este tipo de actividades permiten aprender de forma divertida, combinando creatividade, familia e práctica do inglés nun ambiente próximo e motivador”. Engade ademais que “é unha oportunidade para abrir a aula á comunidade e ofrecer propostas accesibles que fomenten o gusto pola aprendizaxe”.
Xunto ao obradoiro, a UNED de Foz impulsa tamén a campaña “Nadal Solidario”, unha recollida de alimentos destinada a apoiar ás familias que máis o precisan nestas datas. Os produtos doados serán entregados a entidades sociais do municipio para contribuír ao seu labor asistencial.
A concelleira de Educación, Elena Martínez Pena, destacou a importancia desta iniciativa afirmando que “o Nadal é un momento no que debemos lembrar a necesidade de coidar uns dos outros. Actividades como esta fortalecen o compromiso comunitario e permiten que todos poidamos poñer o noso grao de area”. Martínez Pena agradeceu, así mesmo, a colaboración cidadá e o impulso da UNED na organización de propostas educativas e solidarias.
Para máis información e inscricións, as persoas interesadas poden contactar coa Aula Universitaria da UNED en Foz a través das súas canles habituais, a consulta da web oficial da UNED (www.uned.es) ou o contacto a través do correo foz@lugo.uned.es e os teléfonos 982.133.699 ou 604.034.549.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
