A actuación supuxo un investimento de máis de 165.000 euros, aos que se sumarán nas vindeiras datas un proxecto de eficiencia enerxética cun investimento adicional de 44.000 euros.
Vilalba, 7 de novembro de 2025. O Concello de Vilalba vén de rematar as obras de reforzo do firme nas rúas Castiñeiro, Acivro e Salgueiro do Polígono Industrial Sete Pontes, un proxecto que supón un novo avance na mellora das infraestruturas deste espazo empresarial estratéxico para o municipio.
As actuacións consistiron na aplicación de aglomerado en quente para reforzar o firme, na mellora da sinalización horizontal e vertical das vías e na colocación de arquetas para a recollida de pluviais. O que garantirá unha maior seguridade viaria e un mellor estado xeral das rúas que dan servizo ás empresas do polígono.
O investimento total ascendeu a 165.649 euros, financiados grazas a un proxecto presentado polo Concello ás axudas de concorrencia competitiva da Consellería de Economía e Industria, nas que se valoraron de maneira detallada as actuacións previstas.
Ademais, nas vindeiras datas darán comezo as obras dun proxecto de aforro e eficiencia enerxética do alumeado público do parque empresarial, cun investimento final de 44.611 euros, que permitirá reducir o consumo eléctrico e mellorar a sustentabilidade.
A alcaldesa de Vilalba, Marta Rouco, destacou que “estas melloras forman parte dun compromiso firme do goberno local co tecido empresarial vilalbés e coa Asociación de Empresarios Sete Pontes. Estamos a cumprir o acordo de mellorar as dotacións públicas do polígono, avanzando cara a un espazo máis seguro e eficiente”.
Rouco engadiu que “este tipo de proxectos, planificados con detalle e presentados a convocatorias competitivas, son a única vía para acadar investimentos da Xunta de Galicia, polo que seguiremos traballando nesa liña para que Vilalba siga medrando en servizos e oportunidades”.
Con estas actuacións, o Concello de Vilalba reafirma o seu compromiso co desenvolvemento económico local e co apoio ás empresas, garantindo infraestruturas de calidade e un entorno axeitado para o crecemento e a creación de emprego.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
