Ribadeo, 21 de novembro, 2025. Despois de analizar o informe trimestral de Intervención, o BNG de Ribadeo denuncia o aumento descontrolado do período medio de pago do Concello en tan só dous anos. No último trimestre de goberno do BNG, o segundo do ano 2023, o período medio de pago estaba nos 13 días, no terceiro trimestre de 2025 este período aumentou ata os 77 días. “Un aumento que leva sendo unha constante en todos os trimestres de goberno do PP e que se traduce en empresas e autónomos que cada vez tardan máis en cobrar”.
Pablo Vizoso, voceiro do BNG de Ribadeo explica que “co último pleno tivemos acceso ao informe da Interventora sobre o Período Medio de Pago do Concello que se realiza con carácter trimestral. Levamos moitos meses denunciando o gasto descontrolado no que está instalado este desgoberno e hoxe temos ante nós unha consecuencia máis desta mala xestión. Mes a mes as empresas, autónomos e particulares van tardando máis en cobrar, coa tensión que iso pode xerar no seu día a día. No primeiro trimestre deste ano o prazo medio estaba en 44 días, o que significa que en vez de reducilo, aumentouse en máis dun mes, a aínda nos queda os últimos tres meses do ano. A pesar das nosas advertencias, o goberno do PP parece ignorar este problema e segue acelerando para adiante, cunhas consecuencias a medio prazo catastróficas”.
“O peor de todo non é que o digamos nós, porque queiremos alarmar, senón que son datos que a propia Intervención do Concello de Ribadeo está publicando trimestre a trimestre con consecuencias reais no día a día de moitas veciñas e veciños. Poden saír con mentiras e escusas, pero a realidade é a que é. Volvemos pedirlle, unha vez máis, que xestionen con rigor e rectifiquen antes de que sexa demasiado tarde”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
