Riotorto, 18 de novembro de 2025. O BNG de Riotorto reclama ao goberno aclaracións sobre a instalación e o uso das cámaras de vixilancia do ximnasio municipal, situado dentro do recinto do colexio.
O grupo municipal rexistrou no Concello unha batería de preguntas na que se pide ao goberno que explique e documente cando se instalaron ás cámaras, se contan con autorización administrativa previa, cal é o punto de recepción das imaxes e como se garante un uso que cumpra coa norma de protección de datos e respecte a privacidade das persoas.
A portavoz nacionalista Vanesa Gómez sostén que “a instalación das cámaras e o uso das imaxes provocou preocupación e dúbidas entre a veciñanza, que o goberno municipal ten que aclarar. A xestión das imaxes ten que facerse dacordo coa normativa, respectando a privacidade das persoas, máis cando se trata de menores, e queremos que o goberno municipal explique quen se está responsabilizando diso. A autoridade do alcalde ten límites, non pode actuar como se puxese cámaras de seguridade na súa casa”.
A formación nacionalista agarda que a cuestión se aborde no vindeiro pleno municipal -o 5 de decembro- coa transparencia e rigor que merece, xa que se trata de aclarar aspectos que teñen que ver con dereitos fundamentais da cidadanía e cos límites da autoridade de quen goberna, que é esencial nun sistema democrático.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
