O edil nacionalista Xorxe Gómez anuncia que introducen unha emenda nos Orzamentos da Xunta 2026 para que se consignen cartos para a ampliación
A Pontenova, 5 de novembro de 2025. “Unha vez máis a Xunta de Galicia e o Partido Popular marxinan e machacan á Pontenova”. Nestes términos manifestáronse os membros da asemblea local do BNG da localidade ante o anuncio da Consellería de Economía e Industria que fixo pública a súa decisión de non investir no polígono industrial da Pontenova para acometer a súa ampliación alegando a falta de demanda de solo. Desde o BNG dubidan da credibilidade desa afirmación da ausencia de demanda, pois a realidade é ben distinta, xa que no pleno do mes de setembro houbo unha posición unánime de todos os grupos políticos, incluído o Partido Popular, para instar e esixir á Xunta de Galicia a Xestur S.A. a executar de forma inmediata a ampliación do polígono.
“O Partido Popular desde as institucións aplica o seu sectarismo contra os concellos donde non gobernan”
“Cónstanos que o concello fixo os deberes en todo o relacionado co polígono, polo que non é de recibo este desplante da Xunta ao noso concello e a todos os veciños e veciñas, e detrás de esto o que vemos unha vez máis é o sectarismo do Partido Popular desde as institucións, castigando aos concellos que non son da súa cor política” afirmou o edil nacionalista Xorxe Gómez Rico.
Na emenda que introducirán o deputado Daniel Castro nos orzamentos, os nacionalista exponen que a demanda de solo industrial por parte das empresas locais é unha constante desde fai anos na Pontenova. Afirman tamén que desde o concello promoveuse un convenio no 2016 coa Xunta para levar a cabo a legalización do polígono e a posterior ampliación no prazo dun ano. Aínda así, unha vez legalizado, Xestur non cumpriu co acordado e non se levou a cabo dita ampliación.
Nos orzamentos autonómicos do 2024 a Xunta incluíu 400.000€ para a ampliación pero tampouco foron executados. No 2025 non se asignaron remanentes para dita obra. Neste senso, a problemática é clara, é urxente a ampliación do polígono para asegurar a continuidade das empresas na Pontenova, velando e fortalecendo o tecido empresarial no rural.
“Agardamos que o Partido Popular rectifique e acepte esta emenda para que a ampliación sexa unha realidade nun futuro inmediato” manifestou o responsable local do BNG Xorxe Macía que afirmou tamén que “o Partido Popular tén que deixar de machacar á Pontenova, porque empezou deixándonos sen médicos no centro de saúde e agora impide o noso desenvolvemento industrial e empresarial
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
