Foz, 5 de novembro de 2025. Os deputados do PP lucense no Congreso – Jaime De Olano, Francisco Conde e Cristina Abades- trasladaron dende A Mariña algunhas das propostas do Plan Integral de Autónomos do Partido Popular ao presidente da Asociación de Comerciantes, Industriais e Autónomos (ACIA) de Foz, José Carlos Paleo, nunha reunión na que tamén participou o portavoz, Javier Jorge Castiñeira, e concelleiros do PP municipal.
Os populares aproveitaron o encontro para expoñer algunhas das medidas do Partido Popular, pero tamén para escoitar de primeira man a situación do sector, as súas demandas e “recoller novas propostas que se poidan incorporar” ao plan que ten como obxectivo “apoiar aos autónomos, apoiar aos que se esforzan e traballan para saír adiante, crear oportunidades e xerar riqueza”. Nese sentido, dende a asociación de comerciantes, industriais e autónomos de Foz cren necesario para os pequenos negocios “reforzar o seu financiamento e promover o relevo xeracional”.
O deputado mariñán Jaime De Olano subliñou, en relación ao “Contrato cos Autónomos” do Partido Popular que “os catro principios básicos de apoio aos autónomos son: menos trabas e impostos, máis facilidades para crecer, máis protección e máis confianza do Estado no autónomo”.
O popular lembra que “os autónomos sufriron 10 subidas de cotizacións dende que goberna Sánchez. Non é xusto que o Goberno só recorde aos autónomos á hora de subir impostos, mentres os seus ministros gastan o diñeiro público en pagar os seus vicios”. Así, asegura que “fronte ao Goberno de Sánchez que desprotexe aos autónomos e incentiva máis os subsidios que o autoemprego, o Partido Popular aposta por un Goberno que valore o seu traballo e esforzo”.
As medidas que os deputados lucenses trasladaron ao representante da asociación de comerciante atópanse a exención do pago do IVE aos autónomos que facturen menos de 85.000 euros ao ano, a tarifa cero o primeiro ano de actividade -con posibilidade de amplialo a un segundo a menores de 35 anos ou con ingresos por debaixo do SMI- ou pasar de 4 declaracións trimestrais a 2 semestrais e unha única declaración anual para os novos emprendedores.
Así mesmo, daban traslado doutras medidas que anunciaba hoxe mesmo Alberto Núñez Feijóo e das que se poderían beneficiar máis de 30.000 lucenses. Trátase da exención do pago das cotizacións por baixas de enfermidade grave, facilidades para traballar despois da idade de xubilación, exención de cotas dous anos despois da paternidade ou maternidade, equiparación dos dereitos de lactancia e melloras para compatibilizar o traballo autónomo e por conta allea.
O Plan de Autónomos contempla tamén medidas de flexibilidade no pago de cotas para aqueles que atravesen momentos difíciles ou axudas para os emprendedores que precisen unha segunda oportunidade.
Decálogo de cláusulas do Contrato cos Autónomos do PP:
1. Exención do IVE a quen factura menos de 85.000 euros ao ano.
2. Tarifa Cero para novos autónomos.
3. Redución das declaracións. De catro a dúas ou a unha.
4. Non pagar cotizacións por un ano polo primeiro empregado contratado.
5. Non pagar cotizacións polas baixas por enfermidade grave.
6. Facilidades para traballar despois da idade de xubilación.
7. Compatibilizar traballo autónomo e traballo por conta allea.
8. Exención de cotas durante dous anos trala paternidade e maternidade.
9. Equiparación dos dereitos por lactancia.
10. Clarificar e incrementar as deducións de gastos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
