Burela, 22 de novembro, 2025. Bo partido, bo ritmo e debut de Walter na liga, cun final amargo debido ao desgaste físico dunha plantilla que conta con moi poucas rotacións.
Burela, 22 de novembro, 2025. Partido moi competido por parte dos burelenses, que con moi poucas rotacións lograron remontar un 0-2 antes do descanso e poñerse por diante durante a segunda parte, aínda que o desgaste físico pasoulles factura nos últimos minutos nos que un rival que non perdoa logra volver adiantarse a falta de tres minutos para o final.
Complícaselle o encontro ao Burela nos primeiros minutos nos que os cataláns anotan o 0-1, un gol de Manucho que vence a Starna nun cara a cara tras un pase longo de Abdel. Moito toque de balón e contados tiros a porta nestes primeiros 10 minutos de xogo. Boísima intervención de Starna no minuto 9 tras un disparo dende o lateral da área de Manucho e dobre parada tras aproveitar o rexeite Abdel desde a área. Aplaude Vista Alegre na saída a pista do xuvenil Walter no minuto 10, debut do xove burelense en liga, contando con bastantes minutos durante todo o partido. Volve salvala Starna no 11 e perdoa Izan no 12 non chegando a rematar un balón case na liña de meta que lle coloca Izan dende a banda. Chega o 0-2 no minuto 16 tras un erro de Starna que fai unha saída pasándolla a Arnau Graell, quen aproveita a ocasión e dispara dende media pista a portería baleira. Cando todo parece perdido antes do descanso, un inspirado Jason logra empatar o encontro protagonizando unha bonita xogada individual e disparo a portería no 1-2 e poñendo a ras o partido cun tiro afastado que entra por toda a escuadra a falta dun minuto para o intermedio.
Na segunda parte espabila o Burela con tres ocasións clarísimas continuas e dobre paradón de Ángel León, a primeira unha combinación de Jason e Meira que desvía o porteiro, aproveitando o rexeite Alberto desde a área, pero volvéndose a atopar co gardameta e segundos despois váiselle a Izan rozando o segundo pau. Sálvaa Starna no 24 nun posible remate de Akim Rafols que non chega a alcanzar un balón que recolle antes o arxentino e despexa coas mans un disparo de Adri Trémens no 25. Consegue adiantarse o Burela no minuto 27, cun gol de Alán que remata un pase de Jason ao segundo pau. Continúa dominando o Burela, pero no 31 Arnau Graell logra o empate rematando dentro da portería un pase de Ibai tras unha recuperación preto da área do xogador catalán. Ataca o Burela con xogo de 5 en contadas ocasións tentando adiantarse no marcador. Case consegue o triplete Jason no 34 tras un roubo de balón a media pista e boísima xogada individual pola banda que finaliza rozando a portería sacandoa o porteiro do conxunto visitante no 35 tras un disparo potentísimo de Izan. A pesar das numerosas ocasións dos locais, o Martorell logra adiantar o marcador a falta de 3 minutos cun tanto de Anaya que sorprende a Starna cun balón atrás que entra entre os tres paus conseguindo o 3-4. Sae Alán coa elástica negra buscando o gol con xogo de 5 e salva Alberto coa cabeza un balón directo a portería baleira no 38. Sácaa Carlos Villalobos nunha ocasión clarísima de Meira que dispara a portería dende a área e continúa tentándoo o Burela ata o asubío final sen lograr empatar o encontro.
Ficha Técnica Burela FS 3-4 Club Sala 5 Martorell
Burela FS (3): Starna; Jason, Alberto, Izan, Meira -quinteto inicial-, Marquinho, Alán, Walter.
Club Sala 5 Martorell (4): Ángel León; Eric Castillo, Anaya, Abdel, Manucho – quinteto inicial -, Adri Térmens, Ibai, Carlos Villalobos, Arnau Graell, Akim Rafols, Héctor.
Goles: 0-1, min. 3: Manucho. 0-2, min.16: Arnau Graell. 1-2, min. 1: Jason. 2-2, min. 19: Jason. 3-2, min. 27: Alán. 3-3, min. 31: Arnau Graell. 3-4, min.37: Anaya.
Árbitros: Rafael Olmos // Zohir Boughdad // Sergio López // María López. Por parte del Burela vieron tarjeta amarilla Izan (38’) y Jason (‘39). Por parte del Martorell, Adrià Termens (19’) y Eric Castillo (32’)
Incidencias: Partido correspondente á xornada 9 de Segunda División Masculina disputado no pavillón municipal Vista Alegre de Burela.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
