Barreiros, 28 de novembro de 2025. A Vicepresidencia da Deputación de Lugo financiará o acondicionamento da antiga escola de Vilamartín Grande, en Barreiros, para o seu uso como local social. A Xunta de Goberno aprobou este venres o convenio de colaboración entre a institución provincial e o Concello de Barreiros, que contempla un investimento de 109.000 euros.
O proxecto contempla unha rehabilitación integral do edificio, con actuacións tanto na cuberta e nas paredes exteriores, como no interior, coa redistribución dos espazos, e a renovación completa da instalación eléctrica e de fontanería. O obxectivo é recuperar o inmoble, construído como escola unitaria en 1956, para convertelo nun local de uso veciñal e cultural para a veciñanza da parroquia.
A alcaldesa Ana Ermida explicou que “con esta actuación seguimos na enda iniciada noutras parroquias poñendo esas antigas ecolas, practicamente sen uso, a disposición da veciñanza para que sirvan de punto de encontro e espazo de socialización. O que pretendemos é que calquera persoa, independentemeento de lugar en que viva, da idade ou da mobilidade, teña un espazo onde atoparase coa veciñanza e disfrutar das actividades lúdicas, sociais, culturais e deportivas que poidan achegarse á poboación”.
O deputado de Rural Daniel García destacou a importancia “de contar con instalacións de uso social e cultural para dinamizar e articular a vida comunitaria” e destacou “a ampla aposta que desde a Vicepresidencia da Deputación de Lugo se fai por fortalecer esas redes con con axudas directas para a tecido asociativo e apoio ás programacións culturais de pequenos colectivos”.
Ademais da actuación en Vilamartín Grande, o Concello de Barreiros complementará, tamén co apoio da Deputación de Lugo, a renovación da antiga escola de Vilamartín Pequeno, executada no prim eiro semestre deste ano, co acondicionamento do exterior do edifico.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
