A subdelegada presentou esta nova medida xunto ao presidente do Colexio, Manuel Barreira, para que o persoal dos establecementos poda axudar e orientar a posibles vítimas de violencia
Lugo, 28 de novembro de 2025. A subdelegada do Goberno en Lugo, Olimpia López, presentou hoxe xunto ao presidente do Colexio Oficial de Farmacéuticos da provincia, Manuel Barreira, a implantación do Punto Violeta nas farmacias, unha iniciativa que converterá estes establecementos en espazos seguros de información, detección e acompañamento ás mulleres que poidan estar vivindo unha situación de violencia de xénero.
A posta en marcha deste proxecto materialízase tras a sinatura e activación do Protocolo de actuación na farmacia comunitaria ante a violencia de xénero, elaborado entre a Subdelegación do Goberno e o Colexio Oficial de Farmacéuticos. O documento establece pautas claras sobre como actuar ante posibles indicios, a importancia da escoita activa, a creación dun ambiente seguro e confidencial e a derivación aos recursos especializados dispoñibles na provincia de Lugo, tal e como recolle o protocolo oficial.
A subdelegada destacou que “as farmacias son lugares próximos, accesibles e de confianza, especialmente importantes no rural, polos que pasan cada día moitas persoas. Formar ao seu persoal e convertelas en Puntos Violetas significa expandir unha rede de protección real para que ningunha muller se sinta soa ou sen apoio”.
Expansión da rede de Puntos Violetas na provincia
A incorporación das farmacias súmase aos Puntos Violetas xa implantados na provincia, como os da Subdelegación do Goberno (Rexistro e Estranxeiría), INSS, TGSS, Muface, Axencia Tributaria ou Paradores, así como o recentemente inaugurado na sede da UGT.
Con esta ampliación, Lugo avanza nunha rede transversal e estable de espazos seguros presentes en diferentes ámbitos da vida diaria, facilitando o acceso á información e á axuda especializada. A provincia conta con 186 farmacias, que poderán adherirse progresivamente ao programa tras recibir a formación correspondente.
Formación específica e recursos para as vítimas
O persoal das oficinas de farmacia recibe formación sobre indicadores de sospeita, pautas de atención e recursos dispoñibles —como o 016, os servizos de urxencias, o centro de crise 24 horas do HULA ou a rede de atención social— tal e como se recolle nos anexos do protocolo oficial.
Cada Punto Violeta contará cun código QR vinculado á Guía Punto Violeta, que ofrece información práctica, consellos e acceso aos recursos institucionais existentes.
A subdelegada subliñou que esta iniciativa “reforza a resposta institucional fronte á violencia machista, creando unha rede próxima, humana e efectiva capaz de detectar situacións de risco e orientar ás vítimas desde o primeiro momento”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
