José Tomé Roca formalizou coa Alcaldesa Mariña Gueimunde un acordo polo o que a institución provincial achega 40.000€ para financiar, “como fixemos sempre”, esta iniciativa “que supón un pulo económico para este concello e toda a comarca”
Lugo, 14 de novembro de 2025. O Presidente da Deputación de Lugo, José Tomé Roca, e a Alcaldesa de Viveiro, Mariña Gueimunde González, asinaron este xoves no Pazo de San Marcos o convenio que serve para financiar o belén Viveiro ante o Berce que o municipio instala todos os anos nas festas do Nadal. Mediante este acordo, a institución provincial achega ao Concello mariñán 40.000€ para apoiar economicamente, “como fixemos sempre”, esta iniciativa “que supón un pulo económico para este concello e toda a comarca”.
“Asinamos hoxe o convenio para o belén a tamaño real porque o noso compromiso con Viveiro segue intacto”, argumentou o mandatario provincial. Valorou que “algúns viven do ruído e de xerar desconfianza na política, pero nós non cambiamos a nosa forma de traballar: apoiamos aos concellos, con independencia das súas cores, que impulsan proxectos beneficiosos para o territorio e a cidadanía”.
Lembrou Tomé Roca que a Deputación leva máis de 10 anos axudando a financiar esta iniciativa e demostrando “con feitos” a súa implicación co concello mariñao e sinalou que “as institucións estamos para dar estabilidade, non para facer oposición desde a crispación”. E nese sentido, sinalou que “as veciñas e os veciños de Viveiro poden ter a tranquilidade de que contan cunha Deputación comprometida, estable e responsable que seguirá a apoiar un proxecto que xera emprego, turismo e orgullo local”.
Viveiro ante o Berce é visitada, segundo as estimacións municipais, por máis de 25.000 persoas, sendo así un eixo fundamental nas celebracións de Nadal de toda A Mariña. Unha cita consolidada que beneficia á hostaleira e o comercio e que fortalece a marca Viveiro, representando xa un elemento estratéxico na oferta turística da comarca.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
