Os socialistas instan á Xunta a atender as emendas aos orzamentos de 2026 e a investir en proxectos clave en infraestruturas, sanidade, educación e servizos públicos
Lugo, 22 de novembro de 2025. O Grupo Provincial Socialista defenderá no vindeiro Pleno da Deputación de Lugo, que se celebrará o martes, dúas mocións coas que insta á Xunta de Galicia a asumir responsabilidades pendentes coa provincia. Por unha banda, o PSdeG reclama ao Goberno galego que atenda as emendas socialistas aos orzamentos de 2026, que recollen actuacións urxentes para a provincia de Lugo en materia de sanidade, educación, infraestruturas e benestar social. Por outra, solicita o recoñecemento da capacidade do Campus de Lugo para impartir os cursos clínicos do Grao de Medicina.
Atención ás emendas aos Orzamentos da Xunta
A primeira das iniciativas presentada polo Grupo Provincial Socialista pon o foco nos Orzamentos da Xunta para 2026, que cualifican de “profundamente decepcionantes para a provincia de Lugo”. Os socialistas advirten de que proxectos como o Porto Seco de Monforte, a VAC Costa Norte ou a Rolda Leste “entran e saen do debate en función dos intereses do PP”, mentres continúan sen executarse.
Segundo denuncian, as contas autonómicas volven amosar un claro “descoñecemento das necesidades reais da provincia”, ignorando obras pendentes, promesas incumpridas, problemas estruturais da sanidade rural e escolas “sen mestres de apoio e obrigadas a pechar especialidades”. Ante esta realidade, as emendas socialistas recollen un mapa detallado das necesidades da cidadanía lucense, especialmente da que vive no rural.
As propostas do PSdeG abranguen actuacións en infraestruturas viarias, sanidade, educación e benestar social, cunha petición global de 82 millóns de euros de investimento real, fronte a partidas que a Xunta “non executa, utiliza de forma partidista ou paraliza segundo lle convén ao PP”.
A voceira provincial, Pilar García Porto, subliña que “en Lugo falta investimento, falta compromiso e sobra sectarismo e partidismo por parte da Xunta”. E engade que “é imprescindible que o Goberno galego estude e atenda as necesidades da provincia incluídas nas emendas socialistas, garanta a execución das partidas prometidas e mostre sensibilidade ante reclamacións que nin sequera requiren unha inxección directa de fondos”.
“O PSdeG mantén un compromiso firme co desenvolvemento da provincia, reclamando os investimentos que Lugo precisa, con independencia da cor política dos gobernos de Santiago ou Madrid”, engadiu García Porto, salientando que “a provincia non pode seguir agardando por proxectos que levan décadas pendentes de vontade política”.
Recoñecemento da capacidade formativa do Campus de Lugo
A segunda moción lembra que, tras o interese das universidades da Coruña e Vigo en abrir novas facultades de Medicina, a Xunta e a USC acordaron descentralizar os cursos clínicos (4º, 5º e 6º) mantendo unha única facultade en Santiago. Neste contexto, o PSdeG reclama que se considere a capacidade do HULA, do seu persoal sanitario e do Campus de Lugo para formar alumnado de Medicina “nos mesmos termos que se fai coas universidades de Vigo e da Coruña”.
Neste sentido, os socialistas consideran imprescindible que, antes de tomar unha decisión definitiva, a Xunta e a USC “ofrezan información e consulten ás institucións, aos profesionais sanitarios, ás organizacións sociais e á cidadanía de Lugo, porque tamén temos algo que dicir ao respecto”.
Así mesmo, apuntan que o Campus de Lugo conta con capacidade para absorber o alumnado previsto e que este recoñecemento “reforzaría o papel do Campus de Lugo como referente académico e sanitario, situando a provincia nun lugar central na formación dos futuros profesionais da medicina”.
Pilar García Porto explica que as dúas mocións teñen un mesmo fondo: “reclaman que a provincia de Lugo deixe de ser a gran esquecida da Xunta e pase a ocupar o lugar que lle corresponde tanto nos orzamentos coma no sistema universitario e sanitario galego”. E engade que “sen investimentos reais e sen recoñecer a capacidade formativa do Campus de Lugo e do HULA, é imposible garantir igualdade de oportunidades e un futuro con prosperidade para esta provincia”.
Porto conclúe asegurando que o Grupo Provincial Socialista “seguirá defendendo con firmeza que Lugo conte cos recursos, os servizos e o recoñecemento que merece”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
