O Vicedo, 17 de novembro de 2025. O Grupo Municipal Socialista do Vicedo vén de presentar unha moción coa que insta á Xunta de Galicia a incluír nos orzamentos de 2026 os investimentos que o concello precisa e que, un ano máis, non aparecen recollidos nas contas autonómicas. A iniciativa recolle as denuncias realizadas pola agrupación hai unhas semanas, cando advertiran de que o Vicedo quedaba “completamente excluído de calquera investimento significativo” por parte do Goberno galego.
Os socialistas insisten en que esta situación non é nova, senón “un abandono evidente que se repite exercicio tras exercicio e que perpetúa un desequilibrio territorial inxusto e prexudicial”. “As contas da Xunta para 2026 volven deixar fóra actuacións imprescindibles para o desenvolvemento e o benestar da nosa veciñanza”, lembran.
A moción presentada polo PSdeG recolle unha relación clara de actuacións prioritarias que deben incorporarse aos orzamentos autonómicos: a mellora integral da estrada LU-862, a execución de proxectos de saneamento e abastecemento, o apoio á posta en marcha do centro de día, a reforma integral do porto e a inclusión de O Vicedo na planificación da Vía de Alta Capacidade (VAC) da Mariña.
Un dos puntos centrais da moción é a ausencia de partidas para mellorar as infraestruturas viarias autonómicas, en particular a LU-862, cuxo estado é deficiente no tramo que une O Vicedo co límite provincial, mentres que nos concellos veciños xa foi arranxada. Os socialistas subliñan que “esta actuación é imprescindible e segue sen recibir atención por parte da Xunta”.
A proposta sinala tamén a falta de recursos para mellorar o saneamento e o abastecemento, que presentan carencias importantes en varias parroquias. Os socialistas lembran que se trata dunha infraestrutura “básica e inescusable”, e que, mentres a Xunta fala de reto demográfico e igualdade territorial, “O Vicedo continúa sen o investimento necesario para modernizar e completar a súa rede, asumindo consecuencias ambientais, sanitarias e urbanísticas que penalizan o seu futuro”.
A iniciativa tamén denuncia a ausencia de apoio económico para abrir e poñer en marcha o centro de día, unha infraestrutura social prioritaria para un concello cun alto índice de envellecemento. “Non se pode presumir de políticas sociais mentres se mantén bloqueada unha instalación imprescindible como é o centro de día”, subliñan.
Outro dos puntos destacados é a situación do porto do Vicedo, que continúa precisando unha reforma integral -de competencia autonómica- para mellorar a seguridade e potenciar a actividade pesqueira e turística. Os socialistas lembran que “un porto estratéxico como o do Vicedo non pode seguir fóra de calquera planificación realista”.
Ademais, o PSdeG reclama que o municipio sexa incluído na planificación e execución da VAC da Mariña. Esta exclusión, xa denunciada publicamente pola agrupación, “condena O Vicedo a unha posición periférica no mapa das comunicacións do norte da provincia” e evidencia que “sen boas conexións non hai futuro posible”.
A moción solicita dar traslado destas demandas á Presidencia da Xunta de Galicia, ás consellerías competentes e aos grupos parlamentarios do Parlamento de Galicia.
“O Vicedo merece máis. O Vicedo tamén é Galicia e ten dereito a recibir os investimentos que lle corresponden”, subliñan desde o PSdeG-PSOE. “Esta moción non é un xesto simbólico, senón unha cuestión de dignidade colectiva e de xustiza coa nosa veciñanza. O noso concello leva demasiado tempo agardando o que lle pertence por dereito, e imos seguir reclamándoo con firmeza ata que a Xunta asuma as súas responsabilidades”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
