Ribadeo, 17 de novembro, 2025. A vila de Ribadeo clausurou con gran éxito as xornadas “Ribadeo cara o mar”, celebradas entre o 13 e o 16 de novembro. A proposta do Concello, deseñada para poñer en valor a ría dende unha perspectiva ambiental, patrimonial, social e económica, contou coa participación de máis dun cento de persoas. O evento foi financiado polo GALP A Mariña-Ortegal con fondos europeos do FEMPA 2021-2027. Durante os catro días, veciños e visitantes gozaron dun formato dinámico que combinou a divulgación, o turismo e a reflexión, a través de xeorrutas, visitas guiadas, charlas técnicas, debates e degustacións gastronómicas.
A actividade comezou o xoves cunha ruta xeolóxica de Porcillán a Rochas Brancas, a cargo do xeólogo ambiental Iván Rodríguez Lombardero. A xornada inaugural concluíu cunha destacada mesa redonda que reuniu os alcaldes de Ribadeo, Vegadeo e Castropol para discutir a identidade compartida da ría. Nesta apertura, o alcalde de Ribadeo, Daniel Vega, defendeu un modelo de desenvolvemento equilibrado para o estuario. Vega declarou que “non hai que ser radical en ningún plantexamento” e afirmou que a ría é un espazo a respectar, pero non se debe ir “en contra do noso propio futuro, antepoñendo o non polo non a todo o que se plantexe facer na ría”. O alcalde avogou por industrias compatibles co medio ambiente e por explotar o deporte náutico, un ámbito que considera pouco aproveitado.
O venres, o foco púxose no tecido produtivo e a investigación ligada ao mar, con visitas ao porto pesqueiro e comercial, aos estaleiros, á fábrica de algas e ao centro de investigación CECUMAR. A mañá incluíu tamén unha xeorruta ata as Aceas. Pola tarde, o arqueólogo submarino Miguel San Claudio ofreceu a charla “A ría de Ribadeo: un patrimonio cultural con futuro”, subliñando o valor do patrimonio somerxido e o seu potencial para impulsar o turismo cultural na zona.
A xornada do sábado centrouse na biodiversidade do estuario. Pola mañá, un grupo de participantes, guiados por Hablando de Pájaros, explorou a ría para o avistamento de aves e coñeceu as áreas de interese ambiental. Posteriormente, o biólogo e divulgador científico Dani Prieto ofreceu unha sesión sobre conservación, alertando sobre a riqueza ecolóxica do estuario e a necesidade urxente de preservala. A xornada concluíu cunha degustación gastronómica local.
As xornadas finalizaron o domingo cun paseo en barco para unha visita interpretativa dende o porto de Porcillán. O broche de ouro púxoo unha mesa redonda moderada por Dani Gayoso, que debateu sobre os retos da economía azul e o turismo sostible na ría.
Nesta mesa participaron Daniel Vega (Alcalde de Ribadeo), Paloma Vázquez (Xefa da Área Provincial de Turismo en Lugo da Xunta de Galicia) e Pablo Fernández (Presidente do Real Club Náutico de Ribadeo). O evento concluíu con outra degustación gastronómica amenizada pola banda local Lola de Simón & the swing peaks.
Estas xornadas reforzaron a mensaxe de que a ría de Ribadeo é un recurso compartido cunha riqueza que transcende fronteiras municipais. O alcalde Daniel Vega quixo subliñar a importancia do proxecto para o municipio, sinalando que “Ribadeo cara ao mar non é máis que una plataforma que quere poñer en valor todo un patrimonio, un territorio … que nos fai comarca única e que segue avanzando”.
O gran respaldo do público confirma a necesidade de seguir impulsando iniciativas de participación cidadá que axuden a coñecer, protexer e proxectar o futuro da ría, reforzando a aposta de Ribadeo por un turismo de calidade, unha visión empresarial sostible e a cooperación institucional.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
