Viveiro, 1 de novembro, 2025. Os socialistas explican que a Rúa do Porto en Celeiro é a fachada marítima máis emblemática do núcleo, un espazo clave para a identidade de Celeiro, onde se concentra a hostalería e o tránsito cara ó Porto.
“Durante o anterior mandato, sendo alcaldesa María Loureiro García, o Concello de Viveiro xestionou e asinou un convenio coa de Deputación de Lugo, que fixo posible a remodelación integral da Rúa do Porto, unha obra histórica e moi demandada pola veciñanza. Unha obra moi necesaria, xa non só dende o punto de vista estético senón tamén para solucionar os problemas que viñan sufrindo de corte de auga hai anos tanto a hostelería como tamén os veciños da Rúa do Porto”.
O investimento total ascendeu a 680.704,78 euros, dos cales a Deputación de Lugo achegou máis de 544.000 euros e o Concello de Viveiro contribui arredor de 136.000 euros. A actuación supuxo unha intervención integral, con renovación de pavimentos, beirarrúas, abastecemento, saneamento, rede de pluviais, iluminación pública, telecomunicacións e mobiliario urbano, mellorando a imaxe e a funcionaledade da fachada marítima de Celeiro, e que lle deu sen dúbida unha nova imaxen a dito enclave.
Unha vez finalizada esta intervención principal, queda pendente a parte das beirarrúas, situadas enfronte á zona xa renovada, así como zona de rodadura, e que pertence ó dominio de Portos de Galicia.
A súa mellora permitiría completar visual e funcionalmente toda a fachada marítma, culminando así a recuperación urbana e estética de Celeiro.
Non seu momento, desde o Concello de Viveiro xa se propuxo a Portos de Galicia que asumise esa parte da actuación, ofrecéndose o propio Concello a elaborar o proxecto técnico necesario.
A valoración inicial a groso modo por parte dos técnicos municipales situaba o custo da obra en torno a 300.000 eur., una cifra moi inferior a actuación que fixo o Concello, xa que non sería preciso actuar sobre as redes de servizos, senón únicamente renovar as beirarrúas e o pavimento.
Por todo isto, “considérase oportuno instar a Portos de Galicia para que execute ou financia directamente esa mellora, completando a intervención iniciada polo Concello e a Deputación e rematando así a imaxe urbana da fachada marítima de Celeiro, é por elo que o Grupo Municipal do Grupo Municipal do PSdG-PSOE de Viveiro somete á aprobación polo Pleno da Corporación Municipal, esta moción, propoñendodo a adopción dos seguintes acordos”:
1. Instar á alcaldesa de Viveiro a solicitar formalmente a Portos de Galicia a execución e mellora das beirrarúas pendentes, asi como a zona de rodadura, na Rúa do Porto de Celeiro, correspondente ao dominio público portuario.
2. Dar traslado de este acordo á Presidencia de Portos e áConsellería do Mar, para o seu coñecemento e efectos oportunos.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
