Nesta primeira fase realizarase a retirada do parqué e posteriormente a substitución da cuberta.
Cariño, 16 de decembro, 2025. O Concello de Cariño iniciou as obras de acondicionamento e rehabilitación do pavillón polideportivo municipal, unha actuación prioritaria para o goberno local que permitirá recuperar un espazo esencial para a actividade deportiva, educativa e comunitaria.
Con motivo do inicio dos traballos, a alcaldesa de Cariño, Ana María López, e o concelleiro de Obras, Alberto Balado, visitaron o pavillón para comprobar de primeira man o arranque da actuación e o desenvolvemento da primeira fase dos traballos.
As obras foron adxudicadas á empresa Calicanto Obras e Proxectos SL por un importe de 193.837,72 euros (234.543,64 euros IVE incluído) e están financiadas mediante o convenio asinado entre o Concello de Cariño e a Xunta de Galicia, a través da Consellería de Presidencia, Xustiza e Deportes. En virtude deste acordo, a Xunta achega o 80% do orzamento total, mentres que o Concello asume o 20% restante.
Nesta primeira fase de actuación está a procederse ao levantamento do parqué existente para a futura instalación dun novo pavimento deportivo, adaptado aos materiais e esixencias actuais, que garantirá a seguridade e o bo desempeño de todas as actividades que se desenvolvan no recinto. Ademais, esta fase inclúe tamén a substitución da cuberta.
O proxecto permitirá resolver as deficiencias estruturais detectadas no edificio, derivadas da deterioración provocada por filtracións, humidades e os danos existentes na pista de madeira.
Estas deficiencias son consecuencia da ausencia de actuacións de mellora durante os oito anos do anterior goberno municipal, período no que non levou a cabo ningunha obra de rehabilitación do inmoble, limitándose as intervencións a solucións puntuais e provisionais que non abordaron os graves problemas existentes nin na cuberta nin no pavimento, ambos nun estado moi deteriorado.
Esta situación obrigou ao actual executivo municipal, encabezado por Ana María López, a adoptar a decisión de pechar o pavillón co fin de acometer unha reforma en condicións, garantindo así a seguridade das persoas usuarias e a durabilidade das instalacións.
As obras incluirán tamén a substitución de portas deterioradas, a adecuación das saídas de evacuación á normativa vixente e a retirada das chapas de fibrocemento instaladas fai máis de cincuenta anos, cumprindo coa lexislación actual en materia de residuos e seguridade.
Durante a visita, a alcaldesa destacou que “con el inicio de estas obras damos un paso decisivo para recuperar un espacio fundamental para la vida deportiva y social del municipio, muy demandado por el vecindario”. En la misma línea, Ana María López subrayó que “estamos devolviendo a la ciudadanía un recinto seguro, renovado y adaptado a las necesidades actuales”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
