A programación comezará co acendido de luces de Nadal ás seis e media na Praza Maior
Viveiro, 3 de decembro de 2025. O Concello de Viveiro inaugura este venres, 5 de decembro, o tradicional Belén xigante «Viveiro ante o Berce», un dos principais referentes do Nadal na Mariña. A programación dará comezo ás 18.30 horas co acendido das luces de Nadal na Praza Maior. A continuación, ás 19.00 horas, levarase a cabo a inauguración oficial do Belén no adro de Santa María. Para completar a xornada, arredor das 19.30 horas, ofrecerase unha chocolatada de novo na Praza Maior.
O Belén «Viveiro ante o Berce» caracterízase polas súas figuras a tamaño natural, que recrean escenas bíblicas como o Nacemento de Xesús, a Anunciación aos Pastores, a Anunciación á Virxe, a visita dos Reis Magos, a Matanza dos Inocentes ou a sala do trono de Herodes. Cada escena conta cun atril no que repousa un libro do Novo Testamento, aberto no capítulo e versículo correspondentes co gallo de facilitar unha lectura contextualizada do relato representado.
A mostra instálase no entorno da igrexa de Santa María e completarase cun amplo mercado ambientado na vida da época, no que se representan algúns oficios tradicionais. Entre eles, figuran ferreiros, canteiros, pastores, viticultores, carpinteiros de ribeira, vidreiros, tintureiros, panadeiros, mariñeiros, lavandeiras ou un secadoiro de bacallau.
Xunto a estes elementos, destacan tamén as figuras dos Reis Magos de Oriente, a Sagrada Familia e Herodes. Cada ano, o Belén incorpora novas escenas e elementos decorativos, o que o ten consolidado como unha das propostas máis representativas do Nadal viveirense.
A alcaldesa Mariña Gueimunde salientou a importancia cultural e social deste Belén: «Viveiro ante o Berce é unha tradición que une xeracións e que representa o agarimo coa que a nosa cidade celebra o Nadal. É unha oportunidade para recuperar a memoria colectiva, para atraer visitantes e para compartir un espazo que simboliza convivencia, cultura e identidade».
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
