“O comercio de proximidade é vida e futuro”
Burela, 18 decembro 2025. O BNG iniciou hoxe en Burela a campaña de apoio ao comercio local que se vén desenvolvendo todos os anos en Nadal. Na presentación desta campaña participaron Mario Pillado, Sandra Fernández, concelleir@s no goberno municipal de Burela, o deputado provincial Daniel Garcia, e o parlamentario mariñao Daniel Castro.
“En Galiza e na Mariña contamos cun tecido produtivo único. Unha combinación de terra, mar e saber facer que nos permite ofrecer alimentos e produtos de calidade extraordinaria pero a Xunta de Galicia continúa apostando por un modelo de consumo que favorece ás grandes superficies mentras deixa cada vez máis desprotexidos ao sector primario, á industria de transformacion e ao comercio de proximidade, un modelo este que empobrece ao país e espreme aos autónomos limitando o futuro dos pequenos negocios e tamén condicionando os nosos hábitos de vida con formas de consumo cada vez máis deshumanizadas e e ecolóxicamente insustentables” afirmou Mario Pillado.
Un novo modelo comercial para Galiza e defensa do traballo autónomo
“A aposta polo consumo de produtos galegos e polo comercio de proximidade debe ser o camiño. Non é só unha cuestión económica: é cohesión social, equilibrio territorial e defensa do noso futuro produtivo.Cun apoio decidido ao comercio local poderemos xerar emprego digno, dinamizar a vida económica e social e garantir que a riqueza producida aquí, fique aqui” manifestou a edil Sandra Fdez. Cillero.
O BNG fai tamen unha defensa do traballo autónomo, porque as traballadoras e traballadores autónomos son unha peza esencial da economía galega, sostendo milleiros de pequenos negocios, talleres, comercios….. e inicativas emprendedoras que dinamizan e xeran riqueza e emprego nas nosas cidades, concellos, vilas, barrios e parroquias.
Propostas de actuación
Os deputados Daniel Castro e Daniel García destacaron as grandes liñas nas que o BNG traballa tamén a nivel institucional que son básicas para o futuro do comercio local galego, como poden ser: unha nova Lei de Comercio Local, promover o consumo de produtos locais galegos, recuperar e revitalizar os mercados municipais, impulsar unha marca galega de calidade e identificación da orixe para produtos da terra e do mar, ou despregar liñas de crédito prioritarias para o comercio de proximidade, entre outras.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
