Eugenia Requeijo sinala que “a Feira do Poldro con menos animais de Muras, a Feira do Mel que este ano só contou con un produtor local ou a Romaxe Artesá da Chaira para a que en Muras non hai artesáns”
Muras, 5 de decembro de 2025. O Partido Popular de Muras cuestiona a defensa do alcalde da ‘Marca Muras’ toda vez que “as grandes citas do municipio relacionadas con produtos locais van a menos. Todo o que el toca, arruínao”.
A portavoz popular, Eugenia Requeijo, lembra que “a actividade económica maioritaria en Muras é a gandería”; pero “a Feira do Poldro cada vez conta con menos animais do noso municipio”. A Feira do Mel da Montaña, celebrada recentemente, “contou este ano cun só produtor local e outro expositor do municipio” e para a Romaxe Artesá da Chaira non hai artesáns en Muras”.
E tomando como exemplo, os grandes eventos do municipio: “tampouco se preocupa por potenciar as festas do patrón, San Pedro, con algún atractivo para dar vida a Muras”.
A popular convida, polo tanto, ao alcalde nacionalista a “rectificar cando dá información errónea” tras ver “se empeña en culpar á oposición para tratar de desviar a atención das cousas que non fai el mesmo dende o goberno municipal”.
Así mesmo, pregúntase cal é a defensa da ‘Marca Muras’ que fai o propio alcalde cando gasta noutro municipio da provincia da Coruña o diñeiro que gaña en Muras.
Eugenia Requeijo insiste en que “non teño nada que ver cos cargadoiros noutros concellos”; aínda que “sempre apoiarei as iniciativas que beneficien aos gandeiros e gandeiras”. E asegura que “calquera dos membros do Partido Popular de Muras defendemos máis a ‘Marca Muras’ que o alcalde porque coidan e poñen en valor o territorio con explotacións gandeiras de carne de vacún e equino, explotacións apícolas, etc.”.
SOLO INDUSTRIAL
A portavoz popular pídelle ao alcalde, en relación ao solo industrial no municipio, que “explique aos veciños e veciñas as xestións que fixo dende o Concello” para dotar a Muras de máis solo industrial e que medidas adoptou, dentro das súas competencias, “para fomentar o asentamento de empresas ou favorecer a ampliación das existentes”.
O lobo, os cabalos e as persoas comparten desde hai séculos un mesmo territorio, unha convivencia que forma parte da realidade do rural e que presenta importantes retos. No marco da programación das San Lucas 2026, o Concello organiza este encontro para reflexionar e dialogar sobre esta situación, escoitar diferentes perspectivas e abordar os desafíos que implica compartir espazo co lobo. A cita terá lugar este mércores 21 de outubro, ás 18:30 horas, no Auditorio Pascual Veiga. Trátase dun tema de grande relevancia para o presente e o futuro do rural.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
A alcaldesa de Lourenzá, Rocío López, explica que foi “un encontro para compartir, aprender e lembrar a importancia da prevención, a detección precoz e a investigación. E, como símbolo de apoio, un lazo rosa ilumina a fachada da Casa do Concello e os donativos recollidos destinaranse integramente á AECC”.
Ribagorda visitou Ribadeo acompañado polo director xeral de Comercio, Gabriel Alén, nun percorrido polas principais rúas comerciais da vila, xunto ao xerente de ACISA, Jesús Pérez, e a concelleira de Comercio, Marta Saiz. Na Pontenova, o presidente da Asociación de Comerciantes, José Luis Balseiro, reuniuse tamén con Alén e Ribagorda. A campaña “De compras pola Mariña”, promovida pola FCAM e financiada por Comercio Galego e a Xunta de Galicia, difundirá varios vídeos nas redes sociais e na plataforma De las cosas del comer. Ribagorda percorreu estes días Foz, Lourenzá, Viveiro, Burela, Ribadeo e A Pontenova, achegándose ao comercio local e ao patrimonio natural e cultural da comarca.
