Ofreceranse 60 prazas para nenos e nenas de Primaria e as actividades desenvolveranse do 22 ao 26 de decembro no pavillón Antonio Tarrío
Viveiro, 5 de decembro de 2025. O Concello de Viveiro porá en marcha o 22 de decembro o programa «Ocio por Nadal 2025», dirixido a nenos e nenas que cursen Educación Primaria neste curso. O obxectivo da iniciativa é ofrecer unha alternativa de lecer saudable, fomentar a convivencia e apoiar a conciliación das familias durante o período non lectivo.
As actividades terán lugar entre os días 22 e 26 de decembro, en horario de 10.00 a 13.30 horas, no pavillón Antonio Tarrío. O programa ofrece un total de 60 prazas para participantes con capacidade de integración e autonomía suficiente para realizar as actividades previstas.
O prazo para presentar solicitudes estará aberto do 9 ao 12 de decembro. Se non se completan as prazas dispoñibles, o prazo permanecerá aberto ata esgotarse. As solicitudes deberán ser presentadas por un proxenitor ou titor legal, por vía electrónica, no Rexistro Xeral do Concello ou polos demais medios oficiais establecidos.
Os impresos de solicitude poden recollerse en conserxería do Concello ou na oficina da OMIX, e tamén estarán dispoñibles para descarga na páxina web municipal. Será necesario achegar a documentación indicada nas bases, incluíndo DNI da persoa proxenitora ou titora e tarxeta sanitaria do menor.
No caso de existir máis solicitudes que prazas, realizarase un sorteo público, tras o cal se publicará a listaxe definitiva de admitidos e a lista de agarda nos espazos municipais habituais.
A alcaldesa Mariña Gueimunde explicou que «este programa permite ofrecer un recurso de calidade ás familias durante as vacacións, ao tempo que promove valores de convivencia, participación e hábitos saudables entre a nosa infancia».
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
