Ameijide condena que o goberno de PSOE e BNG “prefire dilapidar o diñeiro de tódolos lucenses en convenios a dedo que repartir de forma igualitaria, transparente e con criterios obxectivos entre tódolos Concellos da provincia”
Lugo, 30 de decembro de 2025. O portavoz do Grupo Provincial Popular na Deputación de Lugo, Antonio Ameijide, denunciou durante o Pleno ordinario deste martes que o goberno provincial de PSOE e BNG propón para o ano 2026 un Plan Deputación “claramente insuficiente” para a cooperación cos Concellos da provincia; cando dirixiron este ano máis de 14M€ en convenios “a dedo”, na práctica totalidade, só a Concellos gobernados polas súas cores políticas.
Ameijide condenou, neste sentido, que PSOE e BNG se neguen a incrementar a achega da institución provincial ao Plan Deputación para tódolos Concellos e flexibilizar o seu uso por parte dos Concellos como trasladaron os deputados do PP nas súas propostas para os orzamentos provinciais do 2026 despois de recoller as demandas de alcaldes e portavoces nas reunións de traballo co Grupo Provincial.
O portavoz popular advertiu que o incremento dun 1,14% con respecto ao ano anterior é “a terceira parte do que medran os orzamentos provinciais”, unha suba inferior á inflación e que provoca que “o 100% dos concellos da provincia perda poder adquisitivo para afrontar gastos e investimentos”.
Desde o Grupo Provincial Popular propuxérase, nas súas achegas de cara ao orzamento provincial para o 2026, incrementar o Plan Deputación en 10 millóns de euros. Ameijide explica que esa cantidade se pode obter do diñeiro que PSOE e BNG dirixen a dedo a Concellos gobernados, principalmente, pola súas cores políticas: máis de 14 millóns de euros en 88 convenios neste ano.
O portavoz popular tamén criticou a “falta de flexibilidade” do Plan Deputación, denunciando que o goberno provincial “impide aos Concellos destinar estes fondos a determinados usos”, como gastos correntes ou actividades culturais, mentres que “si permite financiar esas mesmas actuacións a través de convenios a dedo cos concellos afíns”.
Ameijide lembrou que o Plan Deputación é “a ferramenta máis xusta de colaboración da Deputación cos Concellos” e un instrumento obrigatorio por lei para a cooperación cos Concellos. Ademais, subliñou que o actual Plan Deputación —antes coñecido como Plan Único— “é froito do acordo entre PSOE e PP”, nun momento no que “os socialistas eran capaces de dialogar e chegar a acordos”. E o BNG que se erixe como autor, incluso abandonara o goberno provincial no momento no se acadou ese acordo.
Os deputados do Grupo Provincial Popular abstivéronse porque “estamos de acordo coa necesidade dun Plan provincial para cooperar cos Concellos xusto, transparente e baseado en criterios obxectivos como fora concibido inicialmente”. Pero, na actualidade é insuficiente, porque “non se está a mellorar nas súas bases, coberturas nin medra sequera na mesma porcentaxe que os orzamentos da institución provincial”.
O popular condenou que “PSOE e BNG prefiran dilapidar o diñeiro de tódolos lucenses en convenios a dedo que repartir de forma igualitaria e con criterios obxectivos entre tódolos Concellos da provincia”.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
