Denuncian que o PP manteña cinco dedicacións exclusivas nun concello de 3.300 habitantes sen que iso se traduza en propostas, proxectos nin resultados para a veciñanza
Xove, 23 de decembro de 2025. O Grupo Municipal Socialista de Xove denuncia que os Orzamentos municipais para 2026 volven repetir o mesmo esquema dos últimos dezaoito anos: unhas contas continuístas, sen ambición política nin planificación estratéxica e incapaces de ofrecer respostas reais aos problemas e retos de futuro do concello.
O proxecto orzamentario presentado polo goberno do PP ascende a 9.212.000 euros en ingresos e contempla un superávit próximo ao millón de euros. Porén, desde o PSdeG advirten de que estas elevadas cifras non se traducen en melloras para a veciñanza nin en novas oportunidades de desenvolvemento para Xove.
No capítulo de gastos, os socialistas poñen o foco no escaso peso das inversións, que apenas acadan os 400.000 euros, o que supón só un 4,86% do orzamento total. “Un concello que queira mirar ao futuro debería destinar, como mínimo, un 20% do seu orzamento a inversións e novos proxectos, o que neste caso suporía máis de 1,8 millóns de euros”, sinalan dende o PSdeG.
Neste sentido, consideran moi preocupante que arredor de 1,6 millóns de euros se destinen a empresas privadas, “apostando unha vez máis por externalizar servizos en lugar de reforzar a xestión pública e impulsar proxectos propios que melloren o concello”.
Os socialistas denuncian ademais que os grandes problemas estruturais de Xove non aparecen recollidos nos orzamentos. En materia de urbanismo non aparece ningunha actuación vinculada á creación de novas rúas, vivendas ou instalacións deportivas, e tampouco se contemplan melloras en sanidade ou en educación, tras máis de vinte anos sen avances significativos.
A esta falta de planificación engádese a ausencia de actuacións en proxectos concretos como o polígono industrial, que segue acumulando promesas sen concreción, ou o Porriño de Morás, que unha vez máis queda limitado a anuncios sen contido efectivo. Tampouco se aprecia ningunha aposta pola mellora do saneamento nin polo tratamento de residuos, máis alá do incremento de custos para a veciñanza sen achegar solucións nin medidas novas.
Desde o PSdeG critican tamén que o alcalde volva recorrer á estratexia de botar balóns fóra, culpando á Deputación de Lugo e ao Goberno de España, cando “é precisamente a Deputación a que está a traer investimentos reais a Xove fronte á pasividade do goberno local e da Xunta de Galicia”.
Ademais, consideran “un auténtico escándalo” que nun concello de apenas 3.334 habitantes o PP manteña cinco dedicacións exclusivas, “sen que iso se traduza en propostas, proxectos nin resultados para a veciñanza”.
“Estamos ante uns orzamentos continuístas, baleiros de ideas e sen visión de futuro, que consolidan a perda de poboación e a falta de dinamismo dun concello que manexa un orzamento moi superior ao doutros municipios da súa categoría”, conclúen desde o PSdeG, que ven nestas contas “a constatación dunha nula planificación política tras case dúas décadas de goberno do PP”.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
