Viveiro, 30 de decembro, 2025. O Grupo Municipal Socialista de Viveiro critica con dureza o procedemento empregado polo goberno local para aprobar os orzamentos municipais, que —segundo sinalan— se levou a pleno “fóra de prazo, sen transparencia e sen as garantías democráticas mínimas”.
O PSOE lembra que os orzamentos estaban xa prorrogados automaticamente, polo que a súa aprobación o 29 de decembro non tiña carácter urxente. Aínda así, o executivo convocou unha comisión informativa ás 8.30 horas “sen tempo para estudar a documentación” e celebrou o pleno nunha sala de xuntas “insuficiente, sen espazo para a Corporación nin para a veciñanza”.
O grupo socialista denuncia tamén a falta de publicidade do pleno, anunciado nas redes sociais municipais apenas unha hora antes, e considera “especialmente grave” que a sesión non fose gravada nin retransmitida cos medios técnicos habituais. “Non hai garantías sobre cando nin como se publicará a gravación”, afirman.
Para o PSOE, esta situación supón “unha quebra evidente do principio de publicidade dos actos plenarios” e un “retroceso democrático” no funcionamento institucional do Concello. Engaden que existían alternativas viables, como o Conservatorio de Música, xa utilizado noutras ocasións.
O grupo socialista critica ademais o ton empregado pola alcaldesa ao pechar a sesión, “sen permitir réplica e con expresións impropias dun cargo institucional”.
Críticas ao contido dos orzamentos
O PSOE votou en contra dos orzamentos por consideralos “sen proxectos nin investimentos reais”, baseados en anuncios inconcretos e en proxectos herdados do anterior goberno. Tamén sinalan contradicións entre o discurso actual do executivo e as críticas que facía cando estaba na oposición.
No plano económico, destacan que o orzamento apenas medra un 0,79 %, baixan os ingresos propios —especialmente taxas e prezos públicos, cun descenso próximo ao 10 %— e redúcense partidas como enerxía eléctrica, actividades culturais e deportivas. Pola contra, aumentan as transferencias doutras administracións e os gastos de persoal.
O PSOE conclúe que o documento “non presenta un proxecto claro nin ambición para mellorar os servizos públicos”, e que Viveiro “merece institucións abertas, respectuosas e transparentes”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
