“Pechamos un ano con moitos problemas no centro, con numerosas baixas sen cubrir en atención primaria, pediatría e longas listas de espera para as probas diagnósticas”, lembra Paula Vigo
Vilalba, 19 de decembro de 2025. Os socialistas de Vilalba agradecen o novo ‘espazo humanizado’ inaugurado onte na área de pediatría do centro de saúde, pero consideran que “a humanización que demanda a veciñanza é contar cunha asistencia sanitaria digna, non un cambio na decoración das instalacións”.
“Remata un ano con moito malestar veciñal polos problemas do centro de saúde, con numerosas baixas sen cubrir e longas listas de espera para as probas diagnósticas e as consultas en especialidades”, lembra Paula Vigo, secretaria de Política Municipal do PSOE de Vilalba.
No propio servizo de pediatría, durante este ano a Consellería de Sanidade non aportou substitutos cando as dúas pediatras estiveron en situación de baixa laboral. “As solucións chegan tarde e son parches, como pedir aos profesionais de atención primaria de adultos que atendan as urxencias pediátricas, acudir a centros de saúde doutros concellos ou realizar polas tardes os controis de idade, de forma puntual e sen ningún tipo de continuidade”, lamenta o PSOE.
“En Vilalba hai nenos e nenas que precisan dun seguimiento por parte de especialistas e que estiveron meses sen cita porque no centro de saúde non estaba o seu pediatra para derivalos”, afirma Paula Vigo, “unha situación que afectou tamén ás familias que acuden ao Servizo de Atención Temperá”.
Por outra parte, durante o ano houbo numerosos problemas en atención primaria, “con moitas semanas nas que só había seis ou sete médicos, que tiveron que cubrir o cupo de pacientes dos 11 profesionais que debería haber”, unha situación que a alcaldesa de Vilalba, Marta Rouco, puxo en coñecemento da Xunta de Galicia en varias ocasións.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
