O Pleno celebrado este martes aprobou a modificación das datas do acordo porque o vixente expiraba en febreiro, garantindo así a continuidade do marco de cooperación entre as dúas institucións para manter vivo o proxecto e poder retomar as actuacións en canto se complete o procedemento de resolución contractual, actualmente pendente do ditame preceptivo do Consello Consultivo de Galicia.
Lugo, 27 de xaneiro de 2026. O Pleno da Deputación de Lugo aprobou esta mañá a ampliación do convenio interadministrativo co Concello da Pontenova co obxectivo de garantir a cobertura xurídica necesaria para culminar as actuacións pendentes e facer realidade a apertura da residencia de maiores, un servizo esencial para a veciñanza e para toda a comarca.
A renovación do convenio resulta un paso “imprescindible”, xa que o instrumento vixente estaba próximo á súa expiración. A súa continuidade permite asegurar a estabilidade administrativa do proxecto e facilita que, unha vez completados os trámites legais en curso, poidan reactivarse as obras e poñerse en funcionamento o centro.
A situación actual da obra vén determinada polo incumprimento contractual da empresa adxudicataria, tal e como recolle expresamente o informe técnico do Servizo de Arquitectura da Deputación. Segundo indica este documento, a obra atópase executada nun 70,07%, quedando aínda arredor dun 30% pendente de execución, e o prazo máximo contractual rematou o 15 de agosto de 2025, polo que os traballos se atopan formalmente fóra de prazo. Por todo iso, conclúe que os atrasos e a situación xerada son imputables ao contratista e que, ante estes incumprimentos, a Administración está legalmente habilitada para proceder á resolución do contrato.
A decisión da Deputación de iniciar este procedemento responde, polo tanto, non a unha vontade política discrecional, senón á aplicación rigorosa da normativa e á defensa do interese público fronte a un incumprimento acreditado tecnicamente.
O Deputado de Promoción Económica e Social, Pablo Rivera Capón, afirmou no Pleno que “un exemplo claro desa actuación preventiva foi a decisión da Deputación de iniciar a resolución do contrato coa empresa adxudicataria antes mesmo de que esta entrase en concurso de acredores. Esta medida resultou clave para evitar maiores atrasos e consecuencias máis graves para o proxecto. Trátase ademais dunha situación que non é allea ao contexto xeral, xa que problemas similares están a producirse noutros centros residenciais da provincia, como Ribadeo ou Riotorto, aínda que nestes casos sen relación coa Deputación de Lugo”.
Á espera do ditame do Consello Consultivo
Unha vez iniciado o procedemento de resolución contractual, a Deputación solicitou, como esixe a lexislación vixente, o ditame preceptivo do Consello Consultivo de Galicia, órgano independente encargado de supervisar xuridicamente este tipo de expedientes.
O propio Consello Consultivo comunicou oficialmente que precisaba dun prazo adicional de 15 días para emitir o seu ditame, ampliación solicitada pola Deputación no marco dun procedemento tramitado con absoluto rigor.
Desde a institución provincial aclárase que este paso é obrigatorio por lei e garante que todo o proceso se desenvolva con plenas garantías xurídicas. Unha vez emitido o ditame, a Deputación procederá á liquidación definitiva do contrato e activará de inmediato os seguintes pasos administrativos necesarios para poder reanudar as obras.
A ampliación do convenio, clave para non paralizar o proxecto
A ampliación do convenio aprobada polo Pleno ten como finalidade evitar calquera baleiro xurídico e asegurar a continuidade da cooperación entre administracións. Trátase dun paso imprescindible para que, unha vez resolta a situación contractual, poida avanzarse con axilidade cara á finalización da obra e á posta en funcionamento do centro.
Desde o goberno provincial subliñan que “a Deputación está a actuar con responsabilidade, rigor técnico e respecto escrupuloso á legalidade, co único obxectivo de protexer o interese público e garantir que a residencia da Pontenova sexa unha realidade canto antes”.
A Deputación de Lugo reafirma o seu compromiso absoluto coa atención pública ás persoas maiores e coa defensa dun modelo de servizos sociais que permita que a veciñanza poida seguir vivindo nos seus concellos con dignidade, seguridade e calidade de vida.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
